呢間位於銅鑼灣嘅多國菜餐廳小編之前已經同朋友喺晚市嚟過幾次!同樣係Mamaday嘅姊妹店，餐廳都係走玩味風格。裝修充滿美國賭場氣氛，今次就同朋友平日中午時間嚟食午餐，佢哋仲有lunch Set，包咁餐湯、主食同特飲，都幾抵食另外據聞餐廳年中租約期滿便會結業🥺想食嘅朋友仔要把握時間上嚟支持良心小店🤩點擊圖片放大 +2 _🥩達拉斯小牛扒早餐 $108 (Set)是日餐湯係龍蝦湯，入口綿滑早餐份量充足，有沙律菜、薯餅同主角牛扒小編幾鍾意佢嘅薯餅外皮夠香脆，牛扒食落都有牛肉味，如果可以冇咁熟會比較好因為食落會有少少鞋 _柚子雞翼 （套餐價）$42雞翼有六隻，面頭有柚子蜜醬，食落去都幾清新，雞翼有肉汁 _🧇比利時窩夫 $72窩夫係細格嗰隻夠香脆，配上朱古力香蕉味道不錯，雪糕係黑芝麻雪糕，配上窩夫一齊食都幾夾 _️夏威夷果仁鮮奶咖啡 (跟餐飲品）咖啡入口順滑，餐廳亦有提供多款咖啡飲品選擇，鍾意咖啡嘅朋友仔可以叫嚟試吓 芒果綠茶 $46建議大家都係叫返少甜，底下有好多椰果口感更加豐富 _地址Little Vegas 銅鑼灣耀華街3號百樂中心25樓
