早排小編跟着朋友去銅鑼灣搵食，作為韓飯嘅佢就推介左呢一間走西日韓fusion路線嘅Cafe! 重點係佢地喺香港第一間以韓國男團EXO為主題嘅Cafe!餐廳一啲都唔平凡㗎，除咗使用日韓進口的食材，所用醬料均為自家醃製，用料新鮮🥰喺Cafe仲可以聽到Kpop，可以好舒服咁同朋友喺度傾吓計🤩點擊圖片放大 _韓式甜酸雞翼 $48 有四隻雞翼，小編好欣賞佢嘅醬汁非常惹味，食落去甜甜酸酸好開胃 _🥘牛肉拌飯 $108上枱嘅時候見到好吸引，除咗牛肉之外亦有青瓜、蘿蔔絲、雞蛋、南瓜等配料，攪拌一齊食口感更加豐富，特別之處係醬料使用十幾種材料精製而成，材料新鮮 _韓式炒粉絲 $98小編其中一個好鍾意食嘅韓國菜就係炒粉絲，呢個炒粉絲味道剛剛好，食落去唔會太乾身，配上雜菜更豐富 _石板街蛋糕 $58Cafe亦有提供多款甜品，今次亦叫咗兩款嚟試吓，石板街蛋糕上面有大量棉花糖，鍾意食朱古力嘅朋友仔一定唔可以錯過 _日本柚子芝士蛋糕 $58味道幾清新，食落去質感亦比較Creamy _️伯賢烏龍茶 （白桃烏龍茶）$52要讚下佢哋嘅茶具好精緻，使用日本知名牌子嘅茶包，味道較為清新 _️榛子咖啡 $44賣相好吸引，榛子味都幾濃郁，如果可以冇咁甜會更加好 _地址：Exoduscafe銅鑼灣耀華街3號百樂中心11樓1101室
