好耐冇同朋友食泰國嘢啦!最近就同朋友去咗尖沙咀食精緻泰西fusion菜 餐廳裝修走西式田園風🥗白色主調位置闊落啱晒打卡，同朋友可以舒舒服服食吓嘢傾吓計 _ 阿閒泰休閒下午茶(兩位用) $248 呢個價錢嚟講CP值真心幾高，下午茶包左五款鹹點及四款甜點，亦包左兩杯特色飲品，另外仲可以加錢轉其他泰式特飲! 鹹點包括： ▪️炸冬陰功飯團 ▫️泰式炸手工蝦餅 ▪️芒果牛油果海蝦米卷 ▫️紅咖喱肉碎酥皮盒 ▪️蟹肉牛油果酥皮盒 小編特別喜愛手工炸蝦餅同蟹肉牛油果酥皮盒 ，炸蝦餅食落彈牙入面仲有蝦肉🦐酥皮盒外皮酥脆，蟹肉分量十足，食落去香口惹味 甜點包括： ▪️芒果糯米飯 ▫️威士忌鴛鴦Tiramisu ▪️兩款果撻 特別推介芒果糯米飯，糯米飯食落去軟糯有口感，配上乳酪雪糕同清甜芒果食落去甜到剛剛好，分量足夠兩個人share _ 泰式單骨雞翼 +$38 另外我哋亦都額外加咗款小食試下，單骨雞翼外皮香脆，內裏仍然保留肉汁，配上泰式醬汁一齊食更滿足 _ 芒果青檸梳打 （跟餐飲品） 玻璃樽仔裝住啱晒打卡，芒果配上青檸飲落酸酸甜甜幾開胃 _ 自家製氮氣冷泡檸檬茶 +$28 平時比較少飲冷泡檸檬茶，檸檬皮嘅清香更為濃郁，飲落去唔會有苦澀味，味道亦較一般檸檬茶更為清新，有助解膩 _ 地址 阿閒泰AHAN THAI 尖沙咀河內道18號K11購物藝術館2樓219號舖
