話說最近小編見到有人推介話中環有一間隱世咖啡店，原來喺中環大街上竟然有條條唔太顯眼嘅小巷入面隱藏左間Cafe，環境唔算好大但係都幾舒服，小店除咗有提供bar位亦有梳化位，小編同朋友係星期六晏晝時間嚟，人流唔算話好多，可以舒舒服服坐低同朋友食下野傾吓偈🤩 _ 青脆雞腿炸饅頭 $50 見到餐廳嘅Mini bao好似幾出名，有提供多款口味今次就叫咗一個嚟試吓，炸饅頭外皮香脆，今次叫嘅餡料內有炸雞同酸辣醬，底下仲有青蘋果片，能夠減低炸雞帶來的油膩感，話明係Mini bao，所以份量會比較少，作為下午茶啱啱好 _ 雙重朱古力布朗尼 $40 經店員嘅推介話呢個布朗尼味道唔錯，鍾意食朱古力嘅朋友就一定要試吓，事關布朗尼嘅朱古力味真係非常濃郁，食落去唔會話好甜，亦有Nuts增加口感 _ 🥞手作班戟 $80 (配香蕉、榛子醬及大紅袍雪糕) 有甜戟和鹹戟選擇，呢款甜品味道就正正常常，小編覺得佢哋嘅大紅袍雪糕茶味幾濃郁，食落去幾清新 _ 芝士奶蓋茶花水果茶 $50 話說鐵行里分店會有三款限定產品，味道音樂幾清新，酸酸甜甜幾開胃，不過奶蓋芝士味就唔係太出🤥 _ 玫瑰拿鐵 $45 飲落去重奶香味，玫瑰味爭少少，旁邊嘅合桃幾好食夠香脆 _ 地址 Trois Cafe 中環鐵行里6號地舖
