前排見到好多人介紹呢間位於粉嶺嘅咖啡館，睇相好似好吸引，早排小編就同朋友一齊去試吓咖啡館嘅位置其實係喺粉嶺前裁判法院旁邊，有白色簡約嘅外觀，裝修同樣使用簡約和木系風格，有分室外同室內座位，室內座位有落地玻璃，自然光透入好舒服點擊圖片放大 +3 _ ❗️首先要提返大家兩點❗️ 1️⃣店家只接受WhatsApp 預約，不接受Walk-in，每日2:30-3:30為清潔時間 2️⃣需要加收12%服務費 _ 伯爵卷蛋 $42 呢度有提供三款卷蛋，綠茶/伯爵茶/柚子， 不過我哋去嗰日有兩款都冇晒 有少少唔開心嘅係我哋落單嘅時候店員幫我哋落倒單，但係之後佢哋取消咗但係冇同我哋講返冇哂，我哋等得耐主動問先同我哋講話佢哋自己取消咗 味道方面伯爵茶味濃郁，甜度剛剛好，Cream嘅質地亦夠軟滑 _ ️肅靜凍啡 $52 黑啡配青檸味道較酸，感覺清新，樽身上有寫有一啲正面鼓勵字句更窩心 _ 龍眼拿鐵 $48 平時咖啡店好少見會有龍眼拿鐵，所以今次就叫咗嚟試吓 估唔到味道都幾夾，龍眼蜜嘅甜味中和左咖啡嘅苦澀味，飲落去嘅時候都會飲到啖啖桂花香味，值得一試 _ 整體來講環境係唔錯，未試過嘅話都可以一試 唯出餐時間比較慢，服務以12%服務費黎講有侍改善，期待改進 _ 地址 添飲咖啡館 粉嶺馬會道302號地舖
