話說呢間位於尖沙咀嘅純素咖啡店小編曾經喺佢哋開張嘅時候去過一次 嗰陣時因為位置太細所以經常都排長龍，最近得知佢哋擴充咗要埋隔離鋪，即刻同朋友再嚟試一次!木系清新主題感覺非常舒服，新店仲有個鞦韆位俾大家打卡 小編今次係平日嘅四五點嚟，人流唔算好多，無論影相傾吓計都唔錯㗎點擊圖片放大 +3 _ 🥗大啡菇、芝士及牛油果沙律 (套餐) $108 擺盤顏色好豐富未食已經覺得好吸引，食落去幾清新，菜底用咗羽衣甘藍、生菜、蘿蔔絲等等🥕大啡菇有輕微煎過吓，上面舖滿素芝士，芝士味會比較淡，不過食落去大啡菇都唔會話好乾身 _ 🥯豬柳及芝士純素Bagel(套餐) $103 Bagel可以自選原味或者竹炭味，今次小編就揀咗竹炭味，食落去就比較硬身少少，豬柳用上impossible meat，口感都幾似真正嘅豬柳，另外因為佢個份量真係幾大個，食起上嚟可能有啲狼狽 _ 紅絲絨純素蛋糕 $54 嚟到就梗係要試吓佢哋嘅純素蛋糕啦，賣相真係一流好適合打卡，純素忌廉食落質感都好滑，不過小編覺得味道偏甜 _ Dirty（跟餐） 店員推介叫我哋試吓呢款用咗oak milk沖嘅coffee，飲落去嘅時候咖啡味都幾濃郁 _ 🥛Beetroot Latte （跟餐） 小編嘅朋友就叫咗呢杯紅菜頭latte，估唔到 紅菜頭味都幾突出，飲落去唔會好甜，粉紅色配埋拉花打卡一流 _ 地址 齋啡 尖沙咀柯士甸道154-156號花園大廈地下7B號舖
