話說小編之前已經見到唔少人介紹過呢一間位於鴨脷洲嘅隱世咖啡店，bookmarked左咁耐最近終於同朋友去咗探店啦! 呢間咖啡店位於大廈28樓一間傢俬店內，其中一個特色就係因為佢可以望到海景，咖啡店位置比較偏僻，由海怡半島站落車大約行10分鐘左右會到點擊圖片放大 +2 _ 咖啡店環境真係一流，雖然就剩係得少部份窗口位能夠望到海景，但係其他座位都幾有特色，今次就同朋友坐咗入小木屋入面既位，裏便仲有啲俾小朋友玩嘅玩具，例如木製洗衣機、洗手盆等等，都好得意㗎!建議如果想坐窗口位置就建議可能早少少嚟比較好。點擊圖片放大 +2 _ 餐廳有提供甜食同鹹食，嘢食嘅價錢相對咖啡來講比較貴，大家都可以淨係買杯咖啡喺度坐吓都幾chill Blueberry cheesecake $55 正常水準，份量都算幾多，食落去都重芝士味，不過就冇話太大驚喜 - Mocha $38 餐廳嘅咖啡飲品都算幾大杯，不過小編就覺得比較甜左少少 - ️Cappuccino $38 正常水準，奶泡喺我哋影相都影咗幾耐之下都keep到! - 地址： TREE Cafe 鴨脷洲利榮街2號新海怡廣場28樓
