之前同朋友已經講開話想試吓呢間位於鴨脷洲嘅台式餐廳!其中一個特色就係可以一邊食台灣料理之餘同時嘆高質咖啡，難得嚟到鴨脷洲就決定同朋友嚟試吓環境都幾舒服，食物質素唔錯，大家下次嚟到鴨脷洲呢邊不妨可以試吓 _🥚肉鬆芝士蛋餅 $35這個十分推介，上網搵資料嘅時候已經見到好多人推介呢度嘅蛋餅，有兩款口味（另一款係鹹牛肉芝士味）份量非常大份，切開咗四舊，不過其實小編就覺得可以再切細少少因為其實開四都仲係好大舊!肉鬆同芝士好足料，配埋甜醬油一齊食真係有種去咗台灣嘅感覺點擊圖片放大 _鹽酥雞 $35以呢個價錢其實算抵食因為又係幾大份，外皮酥脆 雞肉夠嫩鍾意食鹽酥雞嘅朋友仔可以叫黎試吓 _🥩 紅燒牛肉飯$78 （套餐連飲品）可以揀飯/ 台式擔仔麵，牛肉幾入味，但係小編就覺得應該配麵食會比較夾配料有紅蘿蔔、滷豆干、醃青瓜、滷蛋等等，令到味道都比較清新唔會咁容易油膩 飲品方面小編就跟返佢跟餐飲品叫咗冬瓜茶，想試其他咖啡飲品嘅話亦都有折扣減$15優惠，冬瓜茶味道正常，不過免費飲品就剩係得凍飲，冬天天氣比較凍免費跟餐飲品如果有熱飲就更加好啦 _地址叄瘋鴨脷洲鴨脷洲大街132號合時大樓地下F號舖地下
