話說小編已經bookmark左呢間位於西營盤斜角嘅餐廳好耐，早排晏就去開西營盤終於得閒去試吓!藍色門面真係幾靚，打卡一流，餐廳係主打精緻西餐同澳洲菜，店內環境都幾舒服，適合朋友或者情侶食個靚飯點擊圖片放大 _3 Course Lunch Set ：包餐湯、主菜、飲品 是日餐湯：羅宋湯味道酸酸甜甜好開胃，有加入牛肉粒、洋蔥、蘿蔔等等材料，擺盤非常精緻 凱撒沙律 +$38 _ 吉列黑毛豬竹炭漢堡配薯角 $138使用既麵包烘過食落外脆內軟，亦帶有好香芝麻味!吉列黑毛豬扒炸到好香口，旁邊仲有脆薯角，食完非常滿足點擊圖片放大 _ 法式芝士磨菇焗波士頓龍蝦（半隻）$138係額外加嘅Starter，不過份量當Main食都可以，波士頓龍蝦先拆肉，加埋蘑菇同芝士再焗，食落有口感 _ 自家漬碟豆花檸檬蜜梳打 +$38草莓蔓越莓特飲 +$38上網見到呢度嘅飲品全部都好靚，果然冇令我哋失望!飲品所使用嘅冰有碟豆花嘅顏色，非常吸睛，味道唔會話太甜，小編比較鍾意檸檬蜜梳打 _ 雜莓意大利奶凍 +$38食完主食就梗係要叫返個甜品啦，奶凍嘅外型都好靚，底層係香滑嘅奶涷，中間有一層紅莓醬，再鋪上朱古力粉，層次感非常豐富 _地址The Ground Kitchen西環西營盤水街47號地舖
