最近都比較少食台灣嘢🥺所以早排係堅尼地城嗰邊見到間食台灣野嘅餐廳就決定同朋友去試吓，餐廳位置唔多，坐低後店員都有好細心同我哋介紹菜單，原來餐廳係台灣人開嘅，食材仲要喺台灣入口，就算未去到台灣旅行都可以用嘢食嚟滿足下自己先💜 _🍜原汁牛肉麵 $60講到台灣美食點可以唔提牛肉麵呢🤣牛肉幾入味而且軟腍，今次小編就加咗$5轉刀削麵，食落去口感感覺更加豐富，湯底夠濃郁 _🥣台式麻辣燙 $36麻辣燙配料包括有肥牛片、花枝丸、生菜、豆腐😍生菜同豆腐特別吸倒湯底既味道，食落去亦好惹味，不過同當初圖片上顯示既有差別，小編以為係用一人迷你火鍋嗰隻鐵鍋上，同期待嘅麻辣燙有少少落差🤣 _🥚玉米芝士蛋餅 $35小編去到台灣真係好鍾意食蛋餅，呢度既蛋餅係即叫即整😋芝士同粟米呢個組合好難係伏，如果餡料更加多就更加過癮 _🥠炸花枝丸 $27味道正常，上枱嘅時候熱辣辣，幾香口_🍱鹽酥雞便當 $54鹽酥雞炸到外皮好香脆，但炸粉有點過厚🙈 _🍹蜂蜜檸檬愛玉 $23本身諗住試佢哋嘅黑糖系列飲品，不過諗住叫咗咁多嘢食都想要番杯Fresh 啲既飲品，所以就叫咗呢杯嚟試吓，愛玉的份量非常充足，飲落去帶有淡淡檸檬香，有助解膩_地址🗺五斗米 (堅尼地城)西環堅尼地城厚和街44號地下9號舖
