位於鰂魚涌嘅日式居酒屋，見食物幾靚又特別，非常吸引我，今日我哋食Summer Festival Set，原來之前仲有Omakase食㖭 點知食完成餐，食物比想像更高質，性價比更加高，絕對會再次光顧👍🏻 平時日式餐廳多數飲熱茶，適逢炎夏，呢到細心預備咗「涼」茶，不冰不熱，清涼偏凍，飲得舒服😌 🥗唐揚炸雞沙律炸雞其實係店舖親自將雞肉雞軟骨打成一個球狀再攞去炸，加咗雞軟骨好爽口，仲有海葡萄、櫻花蝦增加口感🉐🉐 🦐西班牙紅蝦帆立貝多士每道菜店員都悉心介紹，呢一款簡直令我讚嘆不已，因為面頭一塊淺啡透明狀原來係醬油啫喱，好有創意多士超級香脆，真係脆卜卜，用紫菜包住成件食，口感好有層次，有多士嘅脆、帆立貝紅蝦嘅鮮甜爽口、仲有醬油啫喱嘅微鹹，超正🉐🉐🉐 🥢馬里葡蟹肉芝士天婦拿新鮮熱辣炸出嚟，蟹肉豐富甜美，紫菜包住增添風味🉐🉐 🥚溏心蛋、豚肉好考功夫嘅菜式，先將雞蛋整成溏心蛋，再用豚肉包住燒香，一唔小心就會爆開雞蛋用上高品質級別嘅蘭王蛋，作為雞蛋界名牌，蛋香是必然的，橙黃色蛋漿好吸引🉐🉐 🦑燒烏賊串、手指橘莎莎燒得香口，質地爽口 🥢羊架、芥末籽油脂豐富，不羶，沾上芥末籽更能帶出香味 🐮牛肋肉、山葵、海鹽香煎牛肋骨，牛味重，可沾上山葵、海鹽調味，有唔同味道層次🉐 🌸櫻花蝦冷稻庭烏冬賣相好靚，有糖漬橙紅番茄仔，顏色靚又多汁，味道酸甜，有埋紫蘇花襯托，靚到賞心悅目🉐 🥢西班牙紅蝦海膽生蛋醬油拌飯呢個配搭真係一絕，有生蛋醬油已經夠拌飯用，又香又吸引，加埋紅蝦海膽，鮮甜無比，撈勻食一流🉐🉐 🌽北海道粟米雪糕、湯葉又係令人印象深刻嘅一道美食，冰凍粟米形雪糕下，放咗豆味香濃嘅腐皮、豆漿，無比水滑加上甜點上嘅脆米、仲有炸過嘅🌾稻穗，除咗作為裝飾之外，仲可以食落肚，口感似爆谷，整體一齊食，極致嘅口感，單憑呢道甜品，就值得再次回訪🉐🉐🉐 💰$698/person 🚩ToriHachi (鰂魚涌) @torihachi.hk 📍鰂魚涌英皇道728號K11 Atelier地下G03號舖#foodie #hkfoodie #foodiehk #852foodie #hkfoodblogger #hkfood #hkfoods #hkfoodstagram #hkfoodblog #hkfoodpic #hkkol #ufoodphoto #hkigfood #ublog #quarrybayfood #Torihachi #Torihachihk #japanesefood #japanesecuisine #omakase #izakayahk #dinnerset #吃貨人生 #香港美食 #鰂魚涌美食 #鰂魚涌 #日式 #居酒屋 #打卡美食 #相機食先
