呢間omakase超靚，一search就全部都係女仔打卡照，全因佢有個勁靚華麗bling bling水晶燈area✨，大家一定要早啲嚟影相🤩 呢間餐廳有吧枱位、卡位、仲有包箱座位，食omakase就一定坐吧枱啦，一邊睇師傅精心製作，一邊享受美食，真係太幸福了 由於omakase係無餐牌料理，師傅都會每道菜講解一下，教你食法Omakase Dinner Set有兩款，兩個名都係日本山嘅名稱，分別係「Fuji富士」💰$1980、「Takao高尾」💰$1680，一食當然要食最好最多，所以要咗「富士」set 🥢先付：- 帆立貝、蝦先食無花果，再嘗新鮮帆立貝、蝦，灑上少少淡雪鹽 + 米粉製成的鹽花、可以沾上芥末醬，好食- 螢光魷魚+黑松露醬 三文魚籽 腐皮+魚炸物最特別係腐皮，好香豆味又薄又滑，用咗黑松露醬 三文魚籽，令本身只有豆味嘅腐皮增添咗味道 🥢本日刺身六品：- 2種魚都係右口魚其中一個品種捲起入面有啫喱，不用點豉油，味道已經夠，口感細膩特別，少少鹹味- 北海道螺肉可以沾上岩鹽食，味道新鮮 - 深海池魚新鮮- 太刀魚 即牙帶魚燒過嘅牙帶魚，配上麵豉醬，增加味道- 北海道銀鱈魚搽過醬汁燒，以上都油脂豐富 味道濃啲 🥄碗物：金鯛魚件熱湯，熱湯清甜，金鯛魚油脂豐富，仲有津菜，口感似啫口喱，幾有趣嘅嘗試碗物上灑上水珠，係一個封印意指無人觸摸過，高級享受🥢料理三品：- 魚子拖拿最中餅用最中餅盛住燒過嘅拖拿，入口即溶油脂極豐富，上面有魚子，味道帶鹹，拖拿下係Wasabi 泡沫，拿住最中餅（又稱謝罪餅，日本人向上司謝罪時就係拿最中餅的）成件食，可以中和拖拿油膩感，整體味道極好，非常夾- 慢煮鮑魚 配 鮑魚肝醬鮑魚極腍，中間嘅稻穗開頭以為只係裝飾，原來係用日本稻穗炸到好似米通咁，可以摘落嚟食，平時有一件飯一齊食，但之後有12件壽司所以用米通代替，減輕飽肚感，亦係一個美觀特別嘅裝飾 - 帶子+烏魚子+沙甸魚乾 製成嘅炸物餅 配 水果番茄🍅帶子餅口感札實，番茄炸過，都一樣多汁鮮甜 🍱旬の寿司十二貫：先由淡味魚開始，採用白醋飯- 伊佐木- 北海道新鮮帆立貝- 池魚（上面有碎青瓜漬物）- 新鮮北寄貝 - 牡丹蝦 蝦膏 以下7件採用了赤醋飯，味道微酸帶鹹，主要配上油脂較豐富、味道較重的魚刺身- 沙甸魚- 梭子魚/ 竹籤魚- 金目鯛 - 赤目- 油漬赤身- 海膽- 鰻魚 師傅會大力拍一下某啲魚刺身，令刺身神經收縮，口感會更爽口所有刺身壽司都好新鮮，每款都高質好食，都有唔同口味，有淡味有重味有油脂豐富嘅，多種享受食壽司時另配上自家醃製柚子蘿蔔、薑、牛蒡，有助解膩、清一清口腔，柚子蘿蔔有柚子甜味，好食🥄汁物：大蜆麵豉湯濃郁，有一粒蜆肉🍵熱抹茶食完咁多嘢，會上一杯熱茶幫助消滯🍓甘味：博多士多啤梨、蜜瓜🍈士多啤梨上有一層糖膠包住，2款水果都好甜 🕙食咗3個半鐘💰$1980/富士@1位🚩鈴 · 鮨刃 (上環) @suzuyaiba 📍上環文咸東街22-26號柏廷坊25樓#foodie #hkfoodie #foodiehk #852foodie #foodblogger #hkfoodblogger #hkfood #hkfoods #hkfoodstagram #hkfoodblog #hkfoodpic #foodporn #foodstagram #hkkol #instafood #instafoodie #ufoodphoto #hkigfood #sheungwan #sheungwanfood #hkdinner #omakase #hkomakase #相機食先 #香港美食 #上環美食 #上環 #日式料理 #阿媽家姐 #廚師料理
