好開心搵到間滿意嘅Teppanyaki，service好，👨🏻🍳鐵板燒廚師師傅又好nice，每道食材上碟都會講解一下食法、材料運用，令我都有所得著 除咗鐵板燒吧枱之外，仲有鐵板燒房可以book，如果同個別師傅特別投緣，仲可以特別指定👨🏻🍳師傅烹調㗎～ 最欣賞每道菜式都有精美擺盤，用心製作，其中兩道菜有紅雞冠草墊住食物，其實係海草之一，純天然+無味無添加👍🏻餐廳backdrop仲有天燈🏮可以許願+打卡😆 🍽午市套餐（星）一人前🥗沙律 🦐大蝦非常期待嘅菜式之一，好香嘅鐵板燒大蝦，見住師傅加入牛油等香料炮製成香口大蝦，蝦頭蝦身部分都細心去除蝦殼，方便進食，味道充滿牛油香，新鮮高質 🥢帆立貝矜貴菜式之一，一小撮黑魚子放上香煎帆立貝上，帆立貝剛剛熟，內裏軟滑，黑魚子味道帶鹹，同帆立貝一齊食，味道好好 🐠汁煮白鱈魚用上洋蔥熬製而成嘅洋蔥汁，洋蔥絲又腍又甜，配上香煎白鱈魚，值得提魚係犬牙南極魚，質地比比目魚厚實，魚皮煎得香脆再插喺白鱈魚身上，擺盤非常美觀，又靚又精緻 🐮美國牛肉薄燒或厚燒師傅會問牛想要幾成熟，我就要咗5成，幾腍身，附上日本青森縣炸蒜片、Wasabi 醬，可以同牛肉一齊食，減輕油膩感，不過就咁食牛都唔會太膩 🥢櫻花蝦炒飯睇住師傅從白飯開始炒到金黃色炒飯，色香味俱全，加咗櫻花蝦、蔥花、日本雞蛋，顏色豐富有鑊氣，雖然食到最後好飽，但一定要食埋啊～ 🥢漬物味道帶有開胃作用🥄吸物（湯品）海帶麵豉湯，濃郁好味 🍨甜品或咖啡雪糕有芝麻味或朱古力味，唔想食雪糕可以揀咖啡☕️ 💰$380 + 10%service charge🚩螢火 (尖沙咀) @hotaru_teppanyaki_omakase 📍尖沙咀尖沙咀東部加連威老道96號希爾頓大廈LG樓1號舖#foodie #hkfoodie #foodiehk #852foodie #foodblogger #hkfoodblogger #hkfood #hkfoods #hkfoodstagram #hkfoodblog #hkfoodpic #foodporn #foodstagram #hkkol #instafood #instafoodie #ufoodphoto #hkigfood #tstfood #hkomakase #omakase #teppanyaki #hkteppanyaki #teppanyakihk #相機食先 #香港美食 #尖沙咀美食 #尖沙咀 #鐵板燒 #阿媽家姐
