平時好少食西班牙菜，今日走嚟試呢間位於長沙灣嘅高質西班牙餐廳說真的，西班牙文嘅menu真係唔識睇，要查字典😂查吓查吓都係決定問staff，staff好好，好有耐心解釋，逐個item話俾我哋知係咩嚟，有咩材料喺入面🧾2個人，我哋叫咗2個lunch set，2杯嘢飲～難得嚟到試，再另外order咗西班牙凍湯、甜品chorros作完美句號😌開心晒，大滿足🥰 Entree:🍅Pan Tomato傳統蕃茄多士🥖本身未食過，想像唔到點樣蕃茄多士得嚟又西式嘅樣，一上枱原來係類似法包咁，切薄咗嘅部分，加上粒粒新鮮蕃茄醬，麵包好脆，第一次食，意想不到的好味和配合👍🏻🐮Beef Tartare牛肉他他🍽本身有啲驚食生嘅牛，但估唔到食落又幾好味，都唔覺有好生嘅味道，有啲牛油果，前菜酸酸甜甜好開胃，仲有3條脆身嘅小法包(唔知係咪叫法包，但口感好似)，沾上少許橄欖油，同tartare分開食、一齊食同樣出色👍🏻 🧆Mushroom Croquette松露蘑菇可樂餅🍽💰$15/pcStaff介紹係松露蘑菇可樂餅，仲風趣搞笑咁講係無可樂嘅🤣外表好脆，一切開，入面係蘑菇蓉，好香濃松露味，我好鐘意，可樂餅外面脆入面軟身又滑，外酥內軟好好味😋仲有，呢個一啲都唔油膩，配合埋上面嘅醬，十分夾味道好好！好食到想encore🉐推介🉐 🍸Gazpacho西班牙凍湯🥄之前未飲過，所以另外加嘅都想試吓， Staff話呢個西班牙凍湯嘅成份有麵包、橄欖油、蒜頭、蕃茄、辣椒...打成湯，第一次試，味道酸酸甜甜，其實幾好味，又稠杰，不過一向飲開熱湯，開頭有少少唔慣，但之後飲飲吓都ok。另外有一片魚喺到，開頭我都諗個湯係凍又有魚，會唔會好腥呢？但飲落冇腥味，材料好足味道濃郁，未試過可以試吓！ Main:🐡Red Snapper Fiedo🍽💰$168由於未食過，又問staff，佢話係西班牙碎米粉，上面有三文魚～想話米粉比三文魚出色😍有醬汁一齊煮，所以好入味又好味，好味到唔夠食，我同我另一半爭住食啊🤣🉐推介🉐 🐷Iberico Pork Presa🍽💰$188呢款係黑毛豬嘅豬肩，食落去唔會鞋口，比較淋身，佢有黃色嘅醬沾上一齊食，我估係南瓜醬，食落甜甜哋，另外配菜係炸西班牙青椒，有少少鹽味，清一清口腔，味道質感都幾特別 Dessert:🇮🇹Italian Gelato意大利雪糕🍨Gelato配方係牛奶比例較多、忌廉較少、脂肪含量較低，感覺冇咁heavy。雪糕好綿，有濃濃牛奶味👍🏻食到最後都唔會覺得好甜，很不錯呢 🍫Chorros西班牙油炸鬼🍽💰$68之前見有舖頭專賣西班牙油炸鬼，一直都好想試吓，但最後冇機會。今日一場嚟到西班牙餐廳，當然要試一試地道嘅Chorros啦，配上朱古力醬、西班牙雪糕，可以一路沾上朱古力醬、雪糕一齊食，就咁食乜都唔點都可以，如果唔沾上醬汁，會比較乾身，面頭有啲糖，可能我哋食唔慣，會覺得有少少甜，但係如果點上雪糕或朱古力醬味道又有一點不同，感覺豐富好多好味好多，所以我之後每一條西班牙油炸鬼都係沾上朱古力醬，反而又唔覺得太甜～ 朱古力醬果然百搭！🉐推介🉐 Drinks:🍊Orange Juice橙汁🍹橙汁雖然簡單，每間餐廳必備，但廚娘嘅我係份外欣賞佢哋嘅杯😍令到平凡橙汁都特別好飲特別吸引，令我想買多幾款玻璃杯放屋企🤣🍋Damn Lemon檸檬味啤酒🥃先生試呢杯檸檬味啤酒～平時我唔飲得任何酒類，因為頂唔順陣酒味但呢杯staff話只有2%酒精，加上檸檬味好濃，我試飲咗一啖的確入到口先生飲得多啲，評語比我中肯，佢話好味好飲嘅👍🏻 2%當然都唔會醉啦，好配合成個lunch😌🉐推介🉐 總括呢間真係可以再encore，不過真係估唔到會喺長沙灣嘅地方搵到佢，我覺得性價比好高，食到咁好食咁出色嘅西班牙菜呢個價錢真係合理！加上Staff真係好nice好好，service滿分，因為佢又細心講解，我哋食佢又問好唔好食，又同我哋傾吓偈咁，感覺好有溫度，唔係普通就咁我有我食，你有你做嘅冷冷感覺👍🏻小店要支持吓👍🏻💰$520/2ppl (2個Lunch Set+散叫)⭐️5星/5星🈵分🚩La Barra Tapas Spanish Restaurant (長沙灣)📍長沙灣福榮街512-518號地下A號舖#foodie #hkfoodie #foodiehk #852foodie #foodblogger #hkfoodblogger #hkfood #hkfoodstagram #hongkongfoodie #hkfoodblog #hkfoodpic #hkfoods #happyday #whatweeat #foodporn #foodblogger #foodphotography #foodart #foodart #dinnertime #dinner #labarratapasspanish #lunch #Chorros #Gazpacho #Gelato #西餐 #晚飯 #食好西 #西班牙菜 #凍湯 #西班牙凍湯
