試過2次係屋企食Sukiyaki，愛上咗壽起燒汁嘅味道，近排太懶冇煮嘢食，去咗近日好多人介紹好多人食嘅壽喜燒餐廳。 店舖唔算大，只有4張枱，中間有日式屏風隔住，一定要book位先嚟呀，walk in未必有位㗎，特別係近排呢間舖咁hit咁多人食。佢哋而家晚市做兩round, 分別係6-8pm, 8-10pm兩場 呢到staff比例同食客係1:1枱，開頭我哋以為要自己燒肉，原來每枱都會有staff幫手燒，仲會話我哋知每款牛嘅名，產地係邊，介紹吓邊款最好食最腍，呢個service完全值回票價👍🏻真心100分💯 🍑白桃烏龍茶🍵開始前就有茶預備咗係到，木製托盤上仲有lace，感覺又靚又有心👍🏻白桃味又香又濃，加咗2次水都仲好重桃味，飲落舒服😌🉐推介🉐 🥗前菜三式🥢貝柱櫻花蝦沙律香煎和牛飯和牛餃子 好有心思嘅前菜，仲同我哋講解材料有咩、食用次序，十分細心👍🏻前菜一啲都唔馬虎，貝柱櫻花蝦沙律好味，貝柱唔細，有肉地；和牛飯好香唔韌又靚，仲有啲蛋汁一齊，個飯特別香特別好食；和牛餃子豐富饀料，完全係高質嘅前菜配搭🉐推介🉐點擊圖片放大 🐮肉類復仇者👥💰$498/person呢個同日本產A5和牛set一樣係呢到最貴嘅有🇯🇵日本🇦🇺澳洲🇺🇸美國嘅唔同部位靚牛，可以試晒唔同地方嘅唔同部位，咁就知自己最鐘意食邊part啦 🐮日本牛肩胛心-日本熊本A5和牛，牛肩胛肉的中心，牛味濃非常之腍😍店員教先食一半，另一半再沾上蛋漿。就咁食都好香，沾上蛋漿更嫩滑👍🏻🉐推介🉐 🐮澳洲三筋-牛味重，比美國的好吃。三筋肉位於肩胛骨內側，連住三條筋腱位。三筋肉屬於前腕肉既一部份，前腕肉因為經常活動通常口感較韌脂量少，三筋肉因為位於肩胛骨處所以活動量較少，係前腕處少有脂肪含量高既部位。 🐮日本沙巴當Zabuton-Zabuton係牛肩胛部的下部，接近肋骨的部分，含有均勻緊密的霜降油花，油脂的甘甜與肉的美味並存。staff話Zabuton係日本有軟墊嘅意思，即同軟墊一樣咁軟身，食落口真係最腍🉐推介🉐🐮日本辣椒仔Chuck Tender-一樣咁腍嘅Chuck Tender，係牛肩連接到腕部嘅稀有部位，形狀彎曲好似一條辣椒，所以有個咁嘅名。肉質偏嫩，帶有少少油花，日本嘅都係好腍，很讚👍🏻🉐推介🉐 🐮美國沙巴當Zabuton-牛味較日本重，但就冇日本嘅咁腍，但都一樣好食😋🐮日本三筋-稀有燒肉部位，肩肉中霜降最好、最柔軟既部位，牛味濃郁而餘韻分明，又被稱為「幻之肉」。日本比澳洲更腍！🉐推介🉐五款牛我最鐘意日本沙巴當，非常腍又香油脂味！同埋都係日本牛最好食😋 🥬野菜拼盤🥗有燒豆腐、娃娃菜、皇帝菜、冬菇、洋蔥、日本大葱、芋絲所有蔬菜我都鐘意食，特別索晒壽喜燒汁嘅味，超好食啊😋重點係staff好細心，燒一塊肉前會燒啲蔬菜，同肉一齊上碟，隔住隔住食就無咁膩啦 🍚雜炊飯🍚食完啲肉已經好飽，想叫佢不如唔好上個炒飯，說時遲那時快，已經拿咗出嚟。好令我surprise嘅係我以為炒飯係廚房炒出嚟，但原來都係staff係面前炒，拿晒啲材料出嚟，有牛肉粒、蛋、櫻花蝦...最後仲細心問我哋食唔食葱，之後加上葱花、紫菜，美味嘅雜炊飯就完成啦😋好欣賞佢哋係面前幫手燒肉幫手炒飯，感覺好貼心，會問客人口味，服務好好👍🏻完全值得再嚟🉐點擊圖片放大 🍨豆腐雪糕🍨我一向唔鐘意食豆腐味雪糕，個人口味覺得好怪。但係，今次真係顛覆我本身感覺同認知，呢個豆腐味雪糕超好味，好幼滑，豆腐味好濃！完全覺麥旦自己係食一件豆腐多過似食雪糕。仲要賣相好靚，勁圓嘅一球，仲要連個面字燒過幾吓、真係好似一件豆腐，豆味好濃好香🉐推介🉐 講真開頭唔係抱好大期望，一來係工業大廈入面，二來入到去，燈光少少暗，但食完晒之後覺得呢到真係好正！食物同service係💯💰$1096/2ppl (include service charge)🚩喰楽 (觀塘) @kuuraku_sukiyaki 📍觀塘開源道60-62號駱駝漆大廈3期9樓H號舖點擊圖片放大 +2 Instagram: snowycookingkitchenFacebook: Snowy’s Cooking Kitchen#foodie #hkfoodie #foodiehk #852foodie #foodblogger #hkfoodblogger #hkfood #hkfoodstagram #hongkongfoodie #hkfoodblog #hkfoodpic #hkfoods #foodporn #foodreview #foodstagram #hkkol #sukiyaki #相機食先 #打卡必去 #打卡餐廳 #觀塘工廈 #香港美食 #食評 #餐廳 #香港食評 #觀塘美食 #觀塘 #燒肉 #壽喜燒 #日式壽喜燒
