繼續港島遊，去咗間外表平平，但意想不到嘅餐廳。呢間舖講真唔算好整齊，佢似頂咗上一手嘅舖頭嚟做，用返上一手裝修，整咗個貼紙貼落去上手logo到，開頭都覺得點解咁呢🧐 🐷美蘭秘製叉燒飯🍚💰$52見最多人食係呢個，粒蛋係流心煎蛋😍煎得香，同叉燒飯一齊食好夾好豐富😍可以揀好多醬汁，除咗豉油仲可以揀薑蔥油，正👍🏻🉐推介🉐 🥢車仔麵菜底🥬💰$48要咗滷水豬大腸、自家製韭菜餃、炸魚片頭，韭菜餃好有屋企風味，調味啱啱好，炸魚片頭又好香口，真係佢哋自己新鮮炸㗎，誠意十足👍🏻老闆娘仲介紹我試佢秘製辣汁，自問都食得辣，但都俾佢辣親，不過真係好香好正好刺激🉐推介🉐 總括嚟講，本身以為佢呢間舖面裝修平平，嘢食會麻麻。但真心，真係覺得佢哋好有水準，美蘭老闆娘親自下廚，好有心，呢個價錢絕對係抵👍🏻老闆娘仲好nice，問我哋嘢食好唔好食，又話嚟緊西九龍開新舖，咁我估佢集中火力去西九龍嗰邊啦，所以冇搞鰂魚涌呢間嘅裝修，如果佢裝修埋，觀感一定仲好👍🏻 💰$100/2ppl (no 10% service charge)🚩美蘭廚房 (鰂魚涌)📍鰂魚涌濱海街20-22號地舖Instagram: snowycookingkitchenFacebook: Snowy’s Cooking Kitchen#foodie #hkfoodie #foodiehk #852foodie #foodblogger #hkfoodblogger #hkfood #hkfoodstagram #hongkongfoodie #hkfoodblog #hkfoodpic #hkfoods #foodporn #foodphotography #foodart #review #foodreview #restaurantreview #foodstagram #hkkol #相機食先 #香港美食 #食評 #餐廳 #香港食評 #鰂魚涌美食 #鰂魚涌 #車仔麵 #叉燒飯 #港式美食
