今日是換箍日 – 第二和第三套箍 去之前巳經知道今次會比上一次辛苦少少, 人人話第一個箍好唔慣, 但對於我來說我真的丁點唔舒服的感覺也沒有! 只係有時出街食飯唔記得帶個牙套盒出去, 搞到好似阿婆除假牙咁要搵個杯或搵張紙巾包住佢 @.@ 今日上到去牙醫先叫洗牙專員幫我清洗牙齒, 之後如下圖般在上下層大牙位置的邊位磨細0.2-0.5mm的小縫隙, 等牙齒有足夠位置移動, 先可以令它們更整齊! 有d 人需要剝1隻牙仔, 有d人只需要每邊磨細少少, 人人情況唔同, 但醫生會同你溝通好! 之後醫生開左少少和牙齒顏色一樣的attachment去某些牙齒上面, 用意是增加牙齒和牙套的拉力! 而過程中一d 痛楚的感覺都無! 令我放下心頭大石! 因為我超怕痛的! 完成後要自己試戴及除箍! 最初以為好難, 最後我用左大約1分半鐘先搞掂晒上下牙箍! 如是者又除又戴左3次, 一次比一次快! 呵呵! 之後我今日仲即刻買左中環好好味的龍崗鷄飯食, 完成無問題! 而家戴左新箍幾個鐘, 感覺是跟第一個箍一樣….即係無咩特別感覺! 呵呵! 但請睇下圖, 你會見到圖中左邊上層有一粒小東西在, 那就是attachment了! 明顯嗎? 我自己覺得還可以, 同事完全睇唔出! 點擊圖片放大 醫生仲好好的同我講, 如果我有時要影相或出席活動, 而我又驚人地睇到粒attachment, 佢可以幫我磨細d或磨走佢, 但我覺得無需要! 因為我想d牙仔快d 變整齊! Yeah!!! 其實我是一個怕痛怕死但內心超堅強和勇往直前的人! 好蛇”gwai”但一但決定了就會堅持下去的人! 我媽咪打比我問我整成點, 我同佢講同一番說話, 點知佢話: 箍牙之麻, 講到為國捐驅咁 @.@ 但我真係好鍾意嗲媽咪 (雖然我巳經好老)! By the way, 我換左對新con, 我自己覺得好靚, 好少大眼仔黑啡色入面d紋咁明顯, 通常會全黑, 戴後只看到兩顆黑漆漆的眼珠, 但呢隻唔會而且效果好明顯!