呢兩日天氣又濕又悶, 搞到個人都無黎精神, 隨著天氣嘅轉變, 皮膚都會有唔同嘅反應。特別係敏感性皮膚(hypersensitive skin)，每當溫度濕度轉變都好容易出現敏感症狀 (allergic reaction)── 痕癢/ 紅腫/ 生粒粒。 不過，即使唔係敏感性皮膚，有時我地唔小心（或者係唔知情嘅情況下）接觸到一D致敏原(allergen) 都會出現敏感症狀。咁咩係致敏原呢? 致敏原其實係一D身體無害嘅物質, 例如 塵蟎、動物毛髮、花粉、霉菌、化學成份、空氣污染物等等.. 雖然對身體無害, 但係有時身體嘅免疫系統將呢D外來物當左做入侵身體嘅"敵人”, 因而作出一連串嘅反擊, 例如 擴張血管、增加體液分泌, 以提高白血球數量去打仗 (所以出現敏感嘅時候好多時都會又紅又腫). 當然.. 如果你知道自己對某一種物質敏感, 咁你就可以好好咁避免, 但係有時有D致敏原係避無可避, 例如 溫度濕度轉變, 或者你根本都唔知 ”佢” 係你嘅”敵人”, 咁出現敏感症狀個時點算好呢?? 又痕又紅…. 點出街見人wor 有次去朋友屋企house warming同佢個puddle(玩具貴婦狗)仔仔玩左一陣… 過左5分鐘, 左手其中一隻手指突然又紅又腫, 仲好痕tim >.<” 雖然我一直對動物都無敏感, 而且同佢玩完都有洗手, 但係今次唔知點解會有咁嘅反應.. 之後仲慢慢feel到塊面都開始痕, 幸好無紅腫. OMG!! 好彩我隨身有呢盒敏感藥, 即刻食左一粒, 過左10分鐘已經慢慢唔痕, 再過多一陣手指嘅紅腫都消退左.. 太好啦~!! 唔洗係班朋友面前RRR, 又唔洗掃興可以繼續Enjoy the night~ 我通常係萬寧買, 因為係屈臣氏搵唔到, 一盒10粒, 細細好易食~ (當然唔好成日食啦, 真係好嚴重記得去睇醫生呀!) 另外, Physiogel呢隻lotion, 對敏感性皮膚好好.. 相信好多sis都聽/用過. 只要輕輕.. 薄薄搽小小, 對舒緩痕癢都有幫助. 仲有一個止痕同消紅腫方法, 係一位有濕疹嘅好朋友教我, 想同大家分享~ 就係用普通嘅aqueous cream 加 Elodrem cream (含有少少類固醇 steroids 藥膏), 真係搽左10秒就止痕!! Elodrem cream係各大藥房有售, 其實唔同藥廠都有出含有類固醇嘅藥膏, 不過朋友係用開呢隻, 類固醇含量不太高, 唔太strong傷皮膚, 所以我就跟佢買啦~ 不過.. 注意!!! 類固醇有副作用, 長期使用會令皮膚變薄!! 記住唔直接搽高濃度類固醇上塊面呀, 我之前都只係用係皮膚又厚嘅位置, 例如 手”爭”.. 不同牌子嘅Aqueous cream 各大藥房有售 (之前呀蘇都有介紹過ga~!) 一般都係500g, 好重手~ Eloderm cream 0.1% (含有少少類固醇) Aqueous cream with Elodrem cream 記住唔直接搽高濃度類固醇上塊面呀!!! 係手背上mix 埋佢地~ 上面係Aqueous cream 下面係 Elodrem cream
