KEEP住一把長頭髮對我黎講係好重要！因為我有一個關於短頭髮嘅童年陰影！ 我記得我讀中一時，讀嘅係中文中學，仲要係女校！當時我媽咪話：你呢一年乖D，比心機讀書，中二轉番間英文嘅男女校！ 好啦！之後我好比心機讀書，全級考第三！之後成功轉到一間幾好的英文中學！就喺轉校前的一晚，媽咪話：我比錢你去屋企樓下嘅髮形屋剪個清爽嘅短頭髮去見新同學，仲有呀，你前面的陰咁長，順便去電一電佢啦！淨係電前面好啦，成個頭電好老架！ 惡夢就係咁開始咗喇！我細個咩野都唔識，媽咪叫我我咪去囉！我要轉校要識過D新朋友已經好大壓力！點知整完個頭出黎，變咗的冬菇頭不特止，仲要將我前面一小片嘅劉海電N年前最興嘅蛇仔呀！大佬，前面公仔麵，後面冬菇頭，我能夠健康成長到今時今日算係咁架喇！（見圖） 左邊：N年前影（轉校翌日已即晚去電直番，變番完整的一粒菇） 右邊：半年前去遊船河影 （束起了頭髮） 但係要KEEP住一把好似絲咁滑嘅長頭髮都真係唔容易架！特別係我頭頂D頭髮仔會成日一支一支咁豎起，EVEN我電咗負離子之後都係咁，唔知會唔會係因為扎頭髮扎得多呢？！ 直到一年前我喺日本嘅藥房發現咗BENE PREMIUM CRYSTAL系列嘅洗頭水，護髮素同TREATMENT！（見圖） TREATMENT！！ 洗頭水 護髮素 全屋之存貨 我覺得用後我嘅頭髮毛燥（即一支支豎起）嘅情況好左好多，而且仲好順滑，成把頭髮好似整齊晒！仲有，香味仲好清新添！ 我之前仲有份去 Head & Shoulder 廣告 Casting 添！Cast 咋喎，成百人去Cast 一個廣告，你“FIG” 到頭爛都未必有機會拍架！ 至於你話香港有無得賣，我真係搵唔到！以上圖片的存貨係我幾個月前喺日本買番黎！我見 Jusco 有 BENE 呢個牌子嘅洗頭水同護髮素賣，但就唔係我呢隻 Premium Crystal 系列！價錢方面大約70蚊港幣一支！如果有SISTER知道香港邊度有得賣，請通知我啦！
