大家情人節有冇收到好多朱古力又或者情人節蛋糕呢？ 唔洗講都知道一定係甜到入心，sweet到爆啦！ 但食咁多甜品或朱古力，唔單止容易肥仲好容易有蛀牙添喎！ 蛀牙當然要睇牙醫啦，但有時唔係你話去睇牙醫就睇得到， 可能工作好忙請唔到假，又或者當你有時間去check, 但好既牙醫唔係walk in 就有得睇架麻！ 牙痛起上黎食止痛藥都幫唔到幾多，咁點算好呢？？？ 所以今次我想同大家分享一個家傳偏方，希望幫到大家，唔洗大家牙痛咁聲！ 下次有牙痛， 大家可以去各大Supermarket 買一種天然香料叫“丁香”(Clove) / “小荳蔻” (Cardamom)。 Clove - 小丁香 大家唔好睇少呢個咁細細粒小丁香／小荳蔻 ，其味道真係好強！有D人覺得似鐵打酒味，又有D人話好似驅風油, 不過大家唔洗怕，都唔係好臭，我會用“香味獨特”黎形容佢！ 咁究竟點用黎止牙痛既呢？三碗水煲埋一碗水？ NO！！ 加枝玉冰燒黎浸藥酒？ NO！！其實好簡單，大家只需將一粒小丁香 放入口，用有牙痛個隻牙緊緊咬住，記得唔好o趙呀！只需要咬緊，好快你就會覺得牙肉有少少麻痺既感覺。當經過5﹣8分鐘小丁香慢慢被口水溶化，你大可食左佢落肚，因為係天然香料所以對身體無害！如果覺得仲好痛， 可以再咬緊另一粒小丁香，我每次用2﹣3粒牙痛感覺就完全消失哂！真係好有效架，最啱我呢D怕睇牙醫但又好鍾意食甜野既人！ 其實唔單止係我家傳秘方，其實網上都有好多關於天然止牙痛既方法，大家有時間上網睇下啦！ http://www.naturalhome-remedies.com/toothache-home-remedies.html
