不得了！今日有SISTER喺FORUM講話HANSKIN喺萬寧做緊電視框（Discount)，竟然係原價的1.5折就可以買到我心愛的遮瑕膏！ 唔係呀嘛！呢隻遮瑕膏我可以講係史上最好用！其實HANSKIN呢個牌子佢喺香港未有行貨時我已經用了！大約2年前，我一次去韓國意外發現呢隻遮瑕膏的！ 因為一講到HANSKIN，大部份人都只係會諗到佢既BB CREAM！但比較起來，我絕對絕對覺得佢既遮瑕膏仲出色呀！ 我喺用HANSKIN的遮瑕膏之前，我用過SHU UEMURA，BOBBI BROWN，CLE DE PAU，YSL！等我每隻牌子都講吓啦！我覺得： SHU UEMURA ﹣ 有幾隻款的，遮ACNE印和遮班的OK，遮眼的那一盒比較乾 （但係一般來說眼部遮瑕膏上咗眼再上碎粉之後會好容易出現眼紋的！解決辦法：要MIX EYE CREAM用，詳細唔係度講，真係唔識就SEND EMAIL比我我再慢慢教你啦），但係已經比起BOBBI BROWN，CLE DE PAU，YSL好好多！SHU UEMURA遮瑕膏價錢大約二百幾，我唔係好記得！ BOBBI BROWN ﹣ 我只能夠講 ﹣ 上咗眼再上碎粉之後，乾到想死，眼紋比無化妝時多兩倍呀唔該！價錢大約三四百！ CLE DE PAU ﹣ OK 啦！OK 乾啦，接受到既！但價錢要五六百一支！Is it value for money?! I am doubt! YSL ﹣ POOR ME，我對佢全線化妝品勁敏感！ HANSKIN - 性價比好高！之前因為香港未引入行貨，每逢有朋友去韓國唔該幫我盡買！兩年來，唔計我自己日日用緊的兩支（HANSKIN韓國版有兩隻色，香港萬寧好似只有一隻色），我屋企還有8支存貨！8支唔係好多咋！日日用WOR！見下圖！ 韓國買大約港幣80元一支，香港水貨賣98﹣128不等！我呢D未雨綢繆架嘛，梗係要好多存貨先有安全感！同埋有時朋友搵上免費幫佢地化妝，我都要用家嘛！哈哈！ 講吓佢有咩野咁好用啦！佢主要遮黑眼圈，遮班唔該用SHU UEMERA啦！上咗眼上埋粉之後，化好個眼妝（我9成只會用深色的EYE SHADOW HIGHLIGHT番輪廓），有好多時我返到公司時有少少 EYE SHADOW 和 MASCARA會跌咗少少落眼底！ 咁點算呢！呢隻HANSKIN遮瑕膏最勁之處就係可以用黎補妝（因為佢個TEXTURE超好）！首先你要用棉花棒加EYE CREAM清潔咗眼底的污癪！然後直接ON TOP再用呢隻遮瑕膏用手指以印的方式將遮瑕膏補上，最後補番少少碎粉定妝！完成！你會發現係完美無瑕，個妝好似剛剛化完好FRESH！佢會同你臉上一早已化好的妝配合得完美無瑕！ 你要試過至知佢有幾好！今日我竟然可以喺萬寧用HKD36.8（兩盒以上再75折）買到一SET包括一支貨SIZE的BB CREAM和一支貨SIZE的遮瑕膏！IT IS CALLED “INSANE“！！ 我即刻揸車由太子去北角，途經超過8間萬寧，以有幾多買幾多的心態，成功買咗8 SETS！YEAH！我已經讓咗兩SET比BEST FRIENDS，因為佢地買唔到！ 點擊圖片放大 我對買化妝品／護膚品係絕不手軟的！哈哈！
