做一個好女人，好女朋友，和好妻子一D都唔簡單，一人可能要飾演多個角色，好似你有時會係男人既朋友，看護，老師，同學，知己，死黨，妹仔，媽媽，合作伙伴等等！如果有時要你一齊出席朋友間的活動，你更加要表現你的修養，內在氣質等等！女人真係要窮一生既精力去自我保養和增值！ 所以呢，女人嘛！除左外表要KEEP得靚靚之外，內在美都唔可以缺少架！ 雖然而家平日已經好少拎住一本本書睇, (讀書時代算是睇得最多, 咩鬼都睇一餐, 就係教科書睇得最少.. lol) 但係有時約左D例遲嘅朋友或者行過書局, 都會入一入去打下書釘！ 每次去到書局都會有”嘩~!!” 一聲嘅感覺, 雖然唔係本本書都有發人深省嘅大道理, 但係就係感覺到呢個地方充滿智慧、知識、能力! 好似置身於充滿靈氣嘅氛圍一樣! 早兩日我經過”商務” OMG!! 又係一年一度”春季大減價”, 唔係唔入去睇下呀嘛?! 哈哈.. 大減價最抵係買咩呢? 當然係D平時ok鍾意, 但係正價又覺得唔抵嘅野啦 （因為如果係好鍾意同埋必需嘅, 個價錢幾唔得人鍾意都要買啦） 雖然我無一個shopping list, 但係行到去”流行文學”區, 我眼角見到《麻不甩》 呢3個字, 即刻記起早幾年已經”釘”過呢本書！ 作者係鄒凱光, 早於”百份百感覺” 嘅時候已經留意到呢位人兄 , 出自佢手筆嘅大概都係風趣抵死, 但又發人心醒嘅小品. “麻不甩”嘅意思係: 麻而不甩. 原價$88 而家85折, 抵!! 《麻不甩》人生應該多d幽默,來輕鬆笑一笑罷! ;) 折後$74.80 另一位我感興趣嘅係~~ 素黑, 佢2011年最新作品《男人要學會愛 女人要超越愛》. 輕輕翻開”序”… “愛情讓男女在兩性差異的衝突中，看穿自己潛藏的性格陰暗面，激活自我改善的動力，並在兩性圓融的親密中，發現自己美好的、閃亮的潛能，自我肯定，更愛生命。 …… 在愛這課題上，兩性的落腳點並不一樣：男人學習愛，女人學習超越愛。” 《男人要學會愛 女人要超越愛》學識愛人愛已, 心情靚靚, 自然皮膚都靚d啦~折後$52.70 Hmmmm…. 把書一合, 好! 就決定買左呢本書. 反正折後都係$52.70, 就用一個lunch嘅價錢嘗試學會了解自己, 讓自己” 超越愛”, 更愛生命 ^o^ 其實仲有好多都好想買, 可惜小女子雙手負重有限, 加上例遲朋友又打黎催我, 唯有下次繼續! 好彩”春季大減價” 去到2月26仲有時間! Steve Jobs: The Exclusive Biography 折後＄216.30
