又平又有質素的眉鉗 - 打破平嘢無好的定律?! 上兩個星期, 我唔知點解同唔知喺邊度唔見咗我之前喺Shu Uemura買的眉鉗! 成二百幾蚊一個的眉鉗就好似喺黑洞消失咗咁! 之後我好唔忿氣, 我巳經買咗修眉package啦, 我之前喺Shu Uemura買埋佢地出品個眉鉗只係想自己有時可以喺屋企修吓D雜毛仔咁! 咁而家唔見咗我係唔會再買一個咁貴嘅眉鉗囉! 我個人咁大頭蝦, 容乜易買咗返黎過兩個星期後又唔見架!!! 一諗到要買平嘅眉鉗, 唔係莎莎就係卓悅架啦! 所以我用咗$130幾蚊買咗4個既鉗, 價錢由$12蚊到處50幾蚊不等! 諗住實有一個會好用! 買之前我巳經調較好心態, 平的眉鉗一定無Shu Uemura嗰個咁好用架喇! 掹雜毛啫, 同佢過人世咩! 世事往往就係咁出人意表, 喺莎莎買嗰2個稍貴的, 真係用黎掹腳毛都嫌浪費氣力! 兩個個design都有問題, 一個就掹黎掹去都接觸唔到眉嘅根部, 掹斷晒d眉毛! 另一個鋒利到呢, 好似好容易會"界"到你皮開肉裂咁! 好危險! 另外嗰兩個都喺卓悅買, 一個就不值一提, 另一個我就對佢讚口不絕! 而且價錢係四個之中最平, 只售$12蚊咋! 就係呢個喇! Packing的後面是這樣的 呢個眉鉗有幾好, 當然啦, 一分錢一分貨, 同Shu Uemura嗰個比, 咁就梗係Shu Uemura嬴哂啦! 但係12蚊有咁嘅質素, 買黎看門口都抵啦! 佢容易掹又容易接觸到眉毛的根部(即斜面設計良好), 而且鋒利程度啱啱好! 中庸之道咪就係呢囉! 但係要記住喎, 揸眉鉗要斜斜地45度角先容易掹架! 如果揸到個眉鉗同皮膚成90度 (即直插式) 就只會好容易掹斷d眉毛! 大家可以試吓啦! 長度有一個mouse咁大
