首先要講講我係有韓國菜恐懼症的！話說我細個時我和同學仔去過三次漢陽苑食韓國燒烤，點知就因為咁入咗足足三次急症室，原因都係“腸胃炎”！！！ 之後我有好幾年唔敢食韓國菜，因為我的潛意識之中已經將韓國菜等於腸胃炎！ 直到前幾年有朋友向我極力推介 “ 名家 ” 和 “ 新羅寶 ”，好味道而且好衛生！說真的他們講的都沒錯，“名家”真的很好味，特別係燒牛肋骨，真得值得一而再而三去幫襯一下！最重要係我食完之後真係無事喎！所以自此之後，我次次去食韓國菜都只係去”名家“！注意： 我覺得名家好味過新羅寶呀！ 而人生往往有意想不到的究，而一山還有一山高呢個道理係永恆的！上星期我喺GROUPON買咗一個韓國菜的團購： $199 二人歎時代廣場韓嘉嵐正宗韓國宮廷套餐：炆牛肋骨、什錦牛肉石頭飯、前菜、包加一及更多，一至日全日適用 (價值 $600) 點解我會買？！（1）我諗住間餐廳喺時代廣場，如果團購唔好食我去食其他野都方便D！（2）我又諗住間餐廳喺時代廣場，食完晚飯可以SHOPPING 一下！（3） 食得多”名家“，都想試試有沒有其他（好壓韻）！點知去到我發現韓嘉嵐並不在時代廣場的， 而是在時代廣場對面的二千年廣場！都OK 啦！ 而食物方面，我只可以講係好驚喜囉！韓嘉嵐並沒有因為團購價而將價就貨，而她們的前菜六小碟做得竟然比起名家更有HEART（不過大豆芽方面就名家比較出色）！而她們的炆牛肋骨更加令人回味無窮！”林“得黎有咬口，夠牛味得黎又夠鮮甜！YUMMY！而最重要係無味精! 注意: 本人乃係一名味精監察員，如果我一食到某幾種味精，D頭痛係痛到食止痛藥都止唔到的! 但係唔講你唔知，原味可樂係可以解味精中毒的! 我試過幾次都成功喎! 點擊圖片放大 我好想買多幾個韓嘉嵐團購，可惜已經賣光光了！大家如果有一日經過銅鑼灣真的可以去試一下！
