半夜二點幾突然想食野，甘岩經過深水埗見到呢間大煲皇仲開緊，有打邊爐同雞煲，可以試下wor。一入去大約7成滿座，全店都系“男人”，系麻luck佬啊，自己聯想下！（港島區既我有時真系都仲未慣去旺角，深水埗某d店。）我地幾個妙齡少女一推門入去個下真係全店既人都望住我地......講真天不怕地不怕既我個刻都有少少怯。坐底阿姐好有禮貌，隔離檯個男人仲比張凳我地擺袋。雖然成日有種心態覺得新界不如九龍，九龍不如香港島......但今時今日，香港島既店同人，唔該檢討下啦！ 因為已經甘夜，費事打邊爐啦，簡簡單單食個雞煲過下癮算啦。揀左一隻中辣既深圳香辣雞煲！ 隻雞好大隻啊！深水埗果然物價系平d架wor。雞煲好香，中辣吾算辣，我地仲自製左個辣source點。雞煮得岩岩好，嫩！雞煲入面真係有曬成隻雞既野架，除左雞肉，有雞腎，雞肝，雞腸，仲有秀珍菇。最後......我地食吾曬煲野，真係好大煲，埋單HKD340，好抵啊！ 其實呢間鋪應該系食海鮮架，因為見到有好多魚缸養住好多唔同既海鮮，價錢都吾貴。有機會可以再黎試，或者再黎呢區尋找其他平靚正既美食！ 大煲皇小廚 Tai Po King Restaurant 地址：長沙灣青山道155-181號天悅廣場地下CA6號舖 電話：2380 8899
