想去左Quinary好耐，因為聽聞佢d Cocktail好得意同好飲。今日5點幾就同朋友去左"霸位"，哈哈！因為好早，入面好似都未有客人。成間野大部分都系bar檯高凳，得近門口有幾張大sofa，不過我諗好多人先會坐個度lor。 Lavender Meringue Pie HKD130 好有厚度既面層棉花糖仲有少少燒焦甜甜地好好味！！！下面飲到薰衣草味，但其實我就唔系好鐘意有薰衣草味，因為總係覺得飲緊d"香包"或者"清新劑"甘！ Earl Grey Caviar Martini HKD130 好重Earl Grey味既泡泡，見到都鐘意！反而下面飲品個part無乜Earl Grey味咋wor。酸酸甜甜甘，入面仲有好多細細粒既Earl Grey味"魚子"，好得意！ Espresso Martini (唔記呢度有無特別既名同埋幾錢) 好飲但無驚喜。 Castle In The Sky HKD130 想飲d有果味既野，waiter介紹左呢個柚子味既，好飲wor。酸酸甜甜飲得出柚子味，好fresh既感覺。最搞笑系附帶一包爆炸糖！我倒左d爆炸糖落口再飲一啖，噼里啪啦，好得意啊！ Marshmallow Duo HKD110 黎呢度無理由唔order呢個下嘛！但......... 好細支吖！個迷你瓶大約得我隻手指甘高咋，一個order系有兩支迷你瓶加兩粒棉花糖。但真係半啖就KO左一瓶仔啦！甜甜地幾好飲，但系真係真係真係太細啦！ Chicken Wings Lollipops HKD108 我無留意到原來個雞翼系有餡既.... >_< 我不嬲麻麻地呢種有餡既雞翼，不過呢個都OK，因為有cheese，哈哈！入面好多cheese，仲有蘑菇添。其實食食下都幾膩架，好彩佢有個酸酸辣辣既醬，即刻好味好多！ Overall我覺得d cocktail好得，我一定會再黎lor，每次都可以試新款野飲，唔知幾時可以試曬呢？！^_^ Quinary 地址：中環蘇豪荷李活道56-58號地下 電話：2851 3223
