見好多人話去呢間The Grill Room，所以我又試下先。因為臨時決定去，所以無book位，開頭佢地話無位要坐bar檯，甘我就諗住算啦下次先食啦，等Lift走時佢地又問我可吾可以8點半還檯，當時只系6點半，所以我地就話ok入座lu。點擊圖片放大 原來佢地每日都有一d唔同既Promotion，今日係Ribs任食，但其實邊食得咁多。Set dinner又唔係太岩口味，所以我地只係叫左一個Set，另加一個Main Course，兩杯紅酒。 巴馬火腿溫泉蛋配黑松露筍沙律 Parma Ham似係12個月個隻，有兩片，配蘆筍都幾好味。溫泉蛋做得到流心效果，不過黑松露味就偏淡。 葡式香辣燒雞配薯條野菜沙律 原來有成隻雞。我order個時一心掛住Nando's既辣雞，哈哈，咁當然唔係啦，有少少失望。雞既味道ok，如果辣d就好啦。肉質好嫩，就算雞胸部份亦唔覺得鞋。之前有人話d黑松露鹽薯條好好味，我就覺得好一般，唔夠外脆內軟，同埋其實黑松露味一d都唔出。平時我唔係好鍾意食野菜沙律，但呢個我覺得有好少好淡既cream味，都ok。 香草燒羊架配烤蔬菜 三件細細舊既羊架，叫左7成熟，味道ok，帶有少少正常既羊酥味。好野又有蘆筍，不過有少少over cook囉，頭盤個個蘆筍好食d。佢個source幾好味wor，我覺得好似另一樣食物既味道，我諗左好耐好耐終於諗到係咩！係好似汁燒牛脷個個source既味！哈哈！ 意式奶凍配濃朱古力湯 賣相唔錯。奶凍同平時係玻璃細樽度個d唔同，唔夠奶味，但佢配埋個rich既朱古力醬後，味道又幾match幾好味wor。 紅酒Shiraz 容易入口。Order左Set既話可以買一送一，好抵！ 唔會話佢係勁好食，但以呢個價錢我覺得係可以再去既。 The Grill Room 地址：銅鑼灣駱克道459-461號The L. Square 5樓 電話：2897 6838
