OREO曲奇餅可謂係零食界中嘅經典之選,早前推出咗兩款全新嘅口味。外形係幾靚,味道上當然要都有啲要求,一於試試有幾和風。櫻の花開—櫻花草莓味 $9兩款曲奇由餅乾至夾心餡都統一同一色系,粉嫩色嘅櫻花草莓味充滿可愛感,曲奇帶有輕微士多啤梨香,加上夾心微酸口感,整體幾清新,唔會覺得有藥水味。 竹の森—酸甜青梅味 $9相較之下,青梅味就顯得失色。除咗顏色較特別,味道上可以話係零驚喜。夾心嘅梅味並唔突出,層次感亦欠奉,整體過於平實。