早前去咗試BAILEYS x Häagen-Dazs下午茶 ($598/2位),有我鍾意嘅酒同雪糕品牌,簡直係最佳美食享受。 第一次試BAILEYS主題下午茶,共有7款甜品同5款鹹點,仲有好香嘅英式鬆餅。 甜品推薦BAILEYS意式奶凍,賣相一流,BAILEYS同嫩滑奶凍好夾。 Häagen-Dazs火鍋伴雪糕都唔錯,一凍一熱夠過癮,雪糕果味香濃。 自家製軟雪糕底層有香口粟米脆片,配扭紋雪糕口感幾豐富。 鹹點當中嘅鴨肝批配藍莓醬幾驚喜,食落比想像中清新,配搭亦好夾。 Impossible肉丸唔講都唔覺用咗植物肉製成,味道同真肉無咩分別,香味仲好濃郁。