-石燒波士頓龍蝦伴英倫皇室牛柳 $129好多人都叫咗龍蝦系列套餐,餐廳做緊半價優惠,$129就食到最貴嘅龍蝦+牛柳餐,而最平$99都食到龍蝦餐,都真係幾吸引。 牛柳叫咗5成熟,牛味非常突出,肉質唔老亦唔會過韌,煎至唔會出血水嘅程度,火侯掌握得唔錯。龍蝦尺寸偏細,勝在質感爽口,呢個價錢而言其實都有賺。龍蝦內有大量龍蝦籽,鮮味十足。 -千島海鮮Pizza $88千島醬好入味,酸酸地好開胃。可惜海鮮無咩味,可能無點醃過或炒下。常見Pizza偶會跌落部分配料,但呢間嘅Pizza會出現成塊餡料同餅底分離嘅情況,改善下會更好。 -香脆薯條伴芝士醬 $38呢款小食賣相略為簡約,以波浪形薯條作主角。薯條炸至金黃,唔太油膩,但我較偏愛幼身薯條。車打芝士醬味道好濃郁,薯條唔使點調味都好夠味。 -三重芝士焗西蘭花 $48西蘭花份量好足,食落幾健康。反而唔太覺得有三重芝士,質感偏稀而非濃稠,芝士比例再多啲會更好。 -藍莓雲石芝士餅 $38芝士餅口感幾特別,餅底同坊間食開嘅唔太一樣,有砂糖嘅顆粒感。藍莓混合芝士後並無失色,藍莓酸甜度啱啱好,幾醒胃。 -青蘋果荔枝梳打 $24呢款係成餐飯最驚喜嘅飲品,本身想叫蜜桃味,可惜無咗唯有轉口味。以為普普通通嘅梳打,入口竟然有好強烈嘅青蘋果味,但又不會過膩,有啲似青蘋果幼身唧唧啫喱嘅味道。