放工約咗人係元朗食飯，諗住好耐無食串燒，就發掘下附近有無咩串燒好食。 -二人套餐 $298 套餐包括海鮮砂鍋粥，可以自選揀2款海鮮、6款串燒同飲品，今次揀咗蜆同鮑魚，配一枝青島啤酒。 海鮮砂鍋粥嘅海鮮份量真係值得一讚，鬧到底都仲有非常多嘅蜆同鮑魚粒，真係啖啖肉。粥嘅味道方面，有比較濃烈嘅薑味。另外加入咗馬蹄一齊煮，都幾特別。但個人認為粥底唔太夠鹹，如果鍾意食清淡嘅朋友應該會幾鍾意。 6款串燒分別揀咗：雞中翼、雞肉、司華力腸、腸仔肥牛卷、五花腩、翠玉瓜。個人最欣賞係雞中翼同腸仔肥牛卷，雞中翼真係燒得好好，外脆內軟。而腸仔肥牛卷呢個肉+肉嘅配搭亦意外地不錯。點擊圖片放大 +2 因為覺得6款串燒應該唔太夠喉，所以另外叫多咗兩款燒物。 -蒜香燒原條茄子 $38 兩大條燒茄子好吸引，面層鋪滿蒜蓉粒，燒得金黃略脆。入口有好濃郁嘅蒜蓉香，略為可惜嘅係茄子鹹香唔太足夠。 -極品一口和牛粒 $28 和牛粒比較小巧，但口感都幾細嫩。
