專誠由香港嚟到澳門，就係要試吓呢一間被大眾點評豬扒飽排名榜第二的勝利茶餐室, 排第一的大利來豬扒飽，食過無數次，已經無驚喜。未進入餐廳,已經睇到不同美食平台推介嘅標誌。所以，對於勝利茶餐廳嘅豬扒飽，我係寄予厚望厚望。 首先, 嚟到嘅係茶餐室，當然要試下佢嘅奶茶，佢嘅港式奶茶先，看顏色濃度，絕對吾俾香港嘅遜色，飲落口係一種滑同茶香，呢一種味道比起香港很多個茶餐廳仲要好，因為奶茶最困難嘅就係唔好有苦澀味，奶亦吾可以蓋過茶味。所以，第一擊，我覺得佢嘅奶茶，勝！ 點擊圖片放大 當我遠遠見到侍應姐姐手上捧着一碟碟嘅豬扒飽，我見到嗰個豬扒仲大過個飽同隻碟，我心裏面已經感覺到好興奮。嘩！放上枱馬上急不及待，食一啖！熱辛辣辣，好juicy，豬扒係冇骨嘅 ，而且個飽好脆，仲唔硬！口感係啱啱好！豬扒本身，厚度適中，可以感受到到廚師是很用心，絕對落足調味，我中食到一片香草潻。所以，第二擊，豬扒飽，勝！ 想抵食嘅話，我會推介呢度下午茶時段嘅套餐，豬扒飽加一杯飲品都只是$40蚊！ 勝利茶餐室地址: 新馬路營地大街94號
