最近有一套新電影就係《葉問外傳：張天志》，張天志呢個人物其實係以前嘅葉問電影都已經出現過。今次係以張天志為主角，既是葉問外傳，故事當然離不開葉問系列嘅主題就係詠春，武打同埋中國人的民族精神精神。 呢部電影由動作片嘅袁和平執導，甄子丹不做演員做監制，張晉主演張天志，其演出人物包括左楊紫瓊，TonyJaa，鄭嘉穎，周秀娜，譚耀文....等等。 故事延續於張天志閉門比武打輸左比葉問，佢帶着兒子離左武術界，去到一個新嘅地方黯然咁開咗一間士多，每日過住平凡嘅生活，但係佢嘅遭遇並不平凡，竟然被黑幫傑少（鄭嘉穎飾演）拉上關係，眼見着不平凡嘅事情不公平嘅事情張天行又禁不住要插手。 呢部電影，可以話延續着葉問系列電影嘅意識形態，有武術武打場面，有英雄、美人，有中國人比鬼佬欺凌嘅橋段，當然最後壞人最終都要死嘅結果啦。 首先，張天志幫助趙明珠及鄭小娜，然后，張天志家中被燒之後，趙氏兄妹對佢施以有幫助，“我為人人人人為我”的好人好故事，亦係典型“葉問”精神。 袁和平執導，當然武打場面目不暇給，當中有一場，張天志係酒吧街嘅霓虹燈上面同對手對打嘅場面，令人聯想起臥虎藏龍周潤發喺竹林場面，既有一身好功夫亦有輕盈嘅身段，加上有強烈武功底子嘅將張晉，雖則沒有廣闊嘅竹林，但係以高矮不一嘅霓虹燈作為武打場面嘅背景，畫面非常奪目。 記憶中，呢部電影應該係張晉第一次做男主角，佢嘅功夫我哋之前已經喺其他電影見識過，佢身手明快，跳躍力很輕盈，絕對能夠帶俾觀眾視覺上嘅享受。最鍾意嘅係張天字嘅人物好睇在佢係有血有肉，佢並吾似葉問咁樣硬要做一個聖人。屋企被燒，佢心心不忿受別人欺負，所以要返去傑少嘅場報仇，同時，佢亦深明要需要靠趙家兄妹，所以佢都甘心屈肘做一個待應。 楊紫瓊飾演嘅黑幫大家姐曹雁君，嘅表現係令人有少少失望，楊紫瓊演出黑幫大小姐恰如其分，但係冇精彩嘅打鬥場面，反而有一場楊紫瓊在酒吧之中同張晉，以酒杯來作武器的比武，無論畫面或者動作都很有新意。 鄭嘉穎嘅演出，令人有點驚喜，佢唔係做輕挑嘅law霸，做一個不可一世嘅二世祖，狂妄衝動，相比平時見到佢喺電視台嘅演出有一個好大嘅突破。 電影有着強烈嘅葉問系列的嘅影子，例如中國人（香港人）就一定好團結，中國人無論點樣都要打贏洋人。就好似姜皓文飾演嘅探長，喺電影前面部份，一直被洋人上司欺壓，對於酒吧街販毒嘅事情，同埋張天行被屈嘅遭遇被迫視若無睹。喺忍無可忍嘅時候，要衝出來指控洋人上司，大發人心。 表面是洋人上流社會的大慈善家，實為販毒集團的幕後主腦，背後操縱黑白兩道嘅反派Owen Davidson（Dave Bautista飾演），反毒一事嚗光後，想逃走時，最終被受命於曹雁君的殺手(Tony Jaa)以冰針射向後腦暗算致死。 簡而言之，《葉問外傳：張天志》充滿著甄子丹主演的「葉問三部曲」的影子，係葉問電影系列嘅一個延續。
