<<行程表>> << <<香港-東京羽田>> [日期] 2 January 2013 (Friday) 今次嘅旅程乘坐日航JL8730前往東京羽田國際空港(現在只有CX/JAL開辦半夜機往成田). 起飛為香港時間1:00am. 要喺飛機訓一訓 (如果可以訓到 :P). 因為我自己本身好醒訓, 而且四周環境又要好黑先訓到. 所以上機前已經準備好一些"工具"令自己容易入睡. 旅行頸箍 + 眼罩 + 耳塞. 加上叫埋空組唔需要叫醒我食早餐, 咁就可以訓得好安樂嘞. 到達羽田國際空港為當地時間5:30am. <<東京羽田-新千歲>> [日期] 3 January 2013 (Saturday) 由於行李不能直達北海道, 所以當到達羽田時先要取回行李, 轉乘國內線時再次check-in. 日航的國內線位於羽田空港Terminal 1, 所以需要轉乘免費接駁巴士(無料連絡バス) 前往. 前往接駁巴士車站嘅指示都非常清晰. 大家都可以參考以下圖片: http://www.tokyo-airport-bldg.co.jp/map/moves_between_terminals/shuttle_bus_between_terminals.html 接駁巴士為循環線. 而且班次都好密. 由國際空港到Terminal 1只需約十分鐘. 到達Terminal 1時都只係約7:30am. 而由於國內航班往新千歲為9:00am, 所以攞咗boarding pass後去食個早餐先. 而JAL位於Terminal 1嘅North Wing. 等飛機時仲見到富士山啊~~~ 因為太早, 班機都唔知有有三十人坐. 9:00am準時起飛去北海道. 由於之前一晚坐overnight flight嘅關係, 一上機就訓...ZzzZzz... 訓咗無一個鍾就比空姐叫醒. 一落機就見到成個機埸都係白色嘅雪, 大喜...^O^/ 到達北海道新千歲空港約11:00am. 新千歲嘅國內空港都好細吓. 而且我坐嘅航班又少乘客, 好快就已經攞到行李. 雖然都可以接駁到路線巴士入滑雪場, 但太早入到滑雪場都無咩做, 所以計劃行程時已經plan好去新千歲空港附近嘅 Rera Chitose Outlet Mall食晏同shopping. (大家可以到oulet嘅網頁睇吓有無啱自己心水嘅牌子 http://www.outlet-rera.com/chinese_fan/.) 5pm前坐車返到新千歲空港坐5:30pm嘅路線巴士入滑雪場就可以嘞. 不過未去Outlet之前首先做咗一樣好重要嘅事 - 就係去攞已經係網上book好嘅"新千歲空港 - 二世古比羅夫"路線巴士車票. 我book咗"GOOD SPORTS". 去到Arrival Hall 先搵咗佢哋個集合地點. (註: 我正在寫一篇關於如何網上book入雪場巴士嘅blog. 敬請留意. Thanks.) http://www.goodsports.co.jp/white/ski-bus/bus-station/ 去到發現原來其他巴士公司嘅集合地點都喺一齊: http://www.access-n.jp/summer2013/information/cat37/post_87.html 因為出發之前已經book好巴士班次, 所以只要出示booking confirmation, 開車前十五分鐘返回集合地點就可以上車. 巴士集合地點都confirm埋都仲未出發去Outlet, 攞埋行李去? 嘩, 有snowboard gear喎!!! 有無考慮行李安排嘅問題呢. 唔使驚, 如果大家有去過日本有無留意到無論火車站, shopping mall都有不同大少嘅付費locker呢? 咁你可以考慮先放行李係locker, 再去shopping. 但如果係行李太大例如snowboard/ski gear呢? 哈哈... 你可以考慮放喺"手荷物一時預り所" (手提行李暫時寄放處). 國際線及國內線都有暫寄處. 費用為300yen至800yen不等, 因行李大細而定. 付費後寫底幾點攞番D行李便可. 下圖為國內線Arrival Hall內嘅暫寄處. 出咗 Arrival Hall右邊直行, 附近有間Lawson. 國際線嘅暫寄處位於1/F JAL到達口B及2/F Shopping World: http://www.new-chitose-airport.jp/tw/service/?no=13 <> 暫寄好D行李就出發去Rera Outlet. 由新千歲空港去Rera最方便就係乘坐佢哋嘅免費接駁巴士. 10分鐘就到. 不過要留意車期及車站位置: 國內線位於1,28號車站; 而國際線位於67號車站: http://www.outlet-rera.com/chinese_fan/access/ <<新千歲-比羅夫>> Shopping我興趣不大, 所以食個lunch行下就算. 不過係Rera內有一條"拉麵街", 我去那年都有成五至六間拉麵店. 我試咗"北の麺物語 おおくら山", 750yen一碗拉麵. 幾好食. 行到4:35pm就坐巴士返新千歲. 幾十五分鐘前巴士公司嘅工作人員已經著住佢公司顏色嘅制服係集合地點大叫乘客上車. 點好人數後就開車出發去比羅夫. Goodsport Bus 途中有一個中途站比大家去洗手間. 全程大約兩個半鍾車程就到比羅夫Welcome Centre. <<晚餐@阿武茶>> 係香港出發之前經"日本樂天"Book好民宿 - Woody Note. 而且講定比屋主知到達Welcome Centre嘅時間, 叫佢係車站等我哋. 之後屋主車我哋返民宿. 因為去到比羅夫已經夜晚八點, check-in之後都夜所以之前已通知屋主唔使安排該晚晚餐. 而屋主都把該晚晚餐嘅錢扣除. LIKE~~ 房間全部係二樓, 所以D行李要自己攞上房...=.=! 房間係無獨立嘅洗手間或浴室, 全部公家所以比較平. 一泊一食約7,000yen一個人. (註: 成為日本樂天會員: http://www.utravel.com.hk/member-blog/snowboarder/AD0RZxEtA3Q/) 點擊圖片放大 http://www.woodynote.com/ 安頓好之後就去醫肚嘞. 我哋行咗去十字街街口有間叫"阿武茶"嘅餐廳. 外面睇佢屋仔細細原來裹面都幾大吓. 一入門口仲有張長BAR檯. 雖然我哋都成九點半先到但都仲要等一陣間先有位. 咁好生意D嘢食應該唔錯. 幾十分鐘就有位. 我哋見有好多客人都有order"鍋物", 咁天氣又咁凍就叫夠兩個啦~我哋仲order咗沙律, 燒物同其他嘅料理. 份量都幾大吓. 又order咗飲品, 又食到好飽一人都係約二千yen多D. 我一定要推介阿武茶嘅鍋物+沙律, 好正!!! 點擊圖片放大 阿武茶 http://abucha.net/index.php?lang=ja 食到飽飽之後去咗阿武茶格離"Seic Mart"間便利店入貨; 果汁, 氣水, 啤酒, 薯片, 朱古力, 生果.....(增肥XD). 不過係道題大家一句生果嘅選擇唔多而且好快就賣晒. 買完就返民宿裝磡好我嘅snowboard (因為每次玩完之後我都會張snowboard同binding解體先pack返入板袋)...沖埋為涼就訓嘞...攰...ZzzZzz... 第一日就完成嘞End of Day 1.
