<<序>> 係寫第一篇滑雪旅程之前其實都諗咗好耐. 應該由第一次去日本滑雪順序寫起? 還是按blog友嘅要求而寫呢? 但因為寫呢個blog嘅其中一個目的係想與一些滑雪新手或比較少去日本滑雪嘅朋友分享和交流自己去日本滑雪嘅經驗和心得. 而去任何地方旅行交通都係其中一個重要嘅考慮因素. 正因為呢個原因, 所以決定寫第一篇滑雪旅程時先從交通方面入手, 介紹一個到達日本之後, 由空港直接到雪場又平又方便嘅滑雪旅程(註: 我所講嘅平只係達日本之後由空港到雪場嘅交通費, 並不包括機票費用... :P). <<北海道二世古 - The Making Of>> 係計畫2009-2010年冬季嘅滑雪行程前, 我已經去過以下嘅滑雪場: 2004 - 苗場 2005 - 白馬八方尾根 2006 - 野沢温泉 2007 - 山形蔵王温泉 2008 - 志賀高原 以上嘅滑雪場都位於日本本州. 咁啱嗰年全日空(ANA)同日本航空(JAL)都有開辦半夜機去東京羽田. 而佢哋由羽田轉國內線去北海道嘅Package包兩晚酒店又唔太貴(連稅約$5800. 當時坐CX直航去北海道機票都要四千幾, 所以選擇轉機), 我又從來都未到過北海道旅遊. 好!!! 決定冲出本州, 向北海道進發. GOGOGO!!! <<計畫行程>> 計畫行程之前第一件事要決定當然係你有幾多日假啦... 頭一, 二次去日本滑雪時都仲係新手, 只你計畫滑三日雪, 其餘時間都係喺東京觀光旅遊. 但經過兩次練習之後進步咗好多. 所以由第三次去野沢温泉開始每次都係滑五日雪, 如果唔係唔夠皮... :P 每日朝九晚五, 九點滑到五點都好攰吓. 而我每一次去滑雪都會寫一個行程表. 而呢次去二世古嘅行程表如吓: 我先簡單地介紹一吓呢次嘅行程: 星期五晚到機埸坐半夜機; 第一天(星期六)晨早六點到東京羽田空港之後轉國內線去北海道; 到達位於札幌新千歲空港後先往空港附近嘅Rera Outlet午餐及shopping; 五點回新千歲空港坐路線巴士前往二世古比羅夫; 第二至六天(星期日至四)全日滑雪; 第七天(星期五)早上由比羅夫坐路線巴士返回札幌; 第八天(星期六)於札幌及小樽觀光; 第九天(星期日)回港.如果五天工作的你只需請假五天. 講真滑五日雪真係好攰吓, 所以餘下時間其實用嚟休息. <<自由行Package >> 香港直飛日本東京嘅航線大多降落於成田國際空港. 由於從成田空港到日本其他地方機嘅國內線比較少, 就算你坐一早機到達成田空港, 都要等三至四小時先有國內航線飛往北海道. 而且, 到達新千歲空港時已經好晏. 如按照行程落機後即時前往雪場, 就必先清楚知道路線巴士的時間表. 萬一航班延誤 (如大風雪關閉機場不能升降) 而未能趕及開往雪場嘅路線巴士就大件事嘞. 雖然可以選擇先於札幌停留一晚第二朝先前往雪場, 但咁就會浪費不少時間. 我不會考慮. 之前講過咁啱嗰年全日空(ANA)同日本航空(JAL)都有開辦半夜機去東京羽田. 再轉約一小時國內線到北海道都未到中午, 咁前往雪場嘅交通安排就已經唔係問題 (除非太大風雪機場關閉=.=!). 當年我比較過全日空同日本航空自由行package嘅札幌同薄野嘅住宿. 雖然薄野多嘢食, 但因我會係札幌及小樽觀光, 以及返回新千歲空港時由札幌出發比較方便 <<新千歲空港直達二世古路線巴士>> 其實最初時我都唔知有巴士由新千歲空港直達二世古. 咁由於我係去二世古比羅夫, 所以好自然就係 "GOOGLE" search有關比羅夫嘅資料. 我先search到"Grand Hirafu"嘅offical website: http://www.grand-hirafu.jp/ 雖然我嘅日文都只係"好有限公司", 但我通常都睇日本版本嘅網頁 (可能因為已經習慣咗. 我之前去滑雪時大多滑雪嘅網頁只有日文. 現在可能因為要吸引中國人市場, 連簡體字嘅網頁都有). 原因通常喺日本版本嘅網頁內資料比較多同齊全. 始終日文都有漢字, 估估吓都知大約講咩. 真係唔明就去英文版本嘅網頁. 我睇得多日本版本嘅網頁時"認得"呢個日文- "アクセス", 即access. 要去某雪場第一樣要知道當然係佢嘅地點, 前往嘅交通是否方便, 交通費多少. 而我第二個"認得"嘅日文就係"バス", 即bus/巴士. 我相信大多數自由行去日本滑雪嘅雪友都會選擇公共交通工具前往雪場. 咁係"アクセス"嘅版面內有"JR･バス", 咁即係話可以選擇JR或巴士前往雪場. 咁我又當然check吓有無由新千歲空港直達二世古比羅夫嘅路線バス啦. 又真係有喎, 正晒!!! 該路線バス係由"ニセコバス株式会社"所開辦嘅 ("ニセコ"即二世古). 而且交通費都唔貴: 〔片道〕大人2,400円、小人1,200円 ("片道"即單程) 〔往復〕大人4,000円、小人2,000円 ("往復"即來回) 而係Google內就可以search到佢嘅網頁: http://www.niseko-bus.cbbs.co.jp/ 係"Grand Hirafu"嘅offical website都可以link到去NISEKO United嘅網頁: http://www.niseko.ne.jp/ 當中"アクセス"嘅版面內有都有介紹前往二世古滑雪區嘅交通. 我又發現多一間巴士公司開辦"新千歲空港<-->ニセコ"嘅路線 - "中央バス" http://www.chuo-bus.co.jp/sightseeing/ski/chitose-niseko.php 再望底D, "その他の運行便": 北海道グラウンドサービス - Goodsports: (http://www.goodsports.co.jp/) 北海道アクセスネットワーク - Hokkaido Access Network: (http://www.access-n.jp/)
