去得滑雪之前大多都買晒gear ... jacket, pants, goggle, gloves, face mask, pat 褲, long socks, hat等. 呢D都係大路嘢, 無咩特別, 通常唔會忘記執落行理箱嘅. 除此之外, 我都想同大家分享吓我其他會帶去(日本)滑雪或去旅行時需要嘅物品. 旅行藥 第一樣點少得嘅當然係"平安藥"啦. 退燒, 傷風感冒, 止屙止嘔, 止痛...等等. 係日本睇醫生好貴吓. 雖然去得旅行都有買旅行保險. 但言語溝通唔到, 夜媽媽先嚟病不如嗱嗱聲食藥好過. 唔帶去都可以到達日本後係機場嘅藥房買. 日本嘅藥好有效架. 旅行保險 唔使講, 一定要買. 一份適合自己的旅遊保險決不可少. 仲要記得所買嘅旅行保險嘅保障範圍一定要包括滑雪. 買之前記得問清楚係嘅保險經紀或睇清楚保障條款. 廁紙一卷 一句講晒, "我頂唔順日本嘅廁紙太薄!!!"..... XD 小型螺絲批 雖然係登山吊車站登車或下車處大多都有螺絲批給滑雪人任使用, 但如果喺滑雪途中binding嘅任何螺絲鬆脫或快張鬆脫就麻煩了. 我就買咗一個上圖嘅小型螺絲批滑雪時跟身用. 如果大家應為無此需要就最好每日登山前先檢查binding嘅螺絲已經上緊. 其他類型 Sun Block Cream "防曬"係滑雪必備. 當好天氣出猛太陽時都唔會用 face mask. 如果唔記得荼防曬就大件事...天上一個太陽, 地下嘅雪又反射紫外光. 唔用 防曬眼以下咪"黑晒"囉~~~ 小型放濕器 日本人習慣開暖氣. 令室內變得非常乾燥. 雖然你可以關掉暖氣, 但屋內都有安裝暖水管發熱., 房內嘅空氣一樣變得乾燥. 香港人十居其九都頂唔順. 有次我睇杜小姐嘅"風行東京"時佢介紹咗一樣非常偉大嘅發明, 就係方便到可以帶去旅行用嘅小型放濕器. 只要小型放濕器+普通嘅水樽(個水樽當然係去到日本買嘢飲時留番). 我勁LIKE. 訓時放係床頭, 不過其他時間我都開住佢. 我睇完佢嘅介紹就去咗"鴨記"搵...又比我搵到. 不過我幾年前買都唔平, 好似要$150. 毛拖鞋 通常係民宿/酒店都會有拖鞋比住客. 由其住係民宿, 一入門就要除鞋換拖鞋. 由於但大多都係皮(膠), D拖鞋放門口冬天時好凍架麻. 雖然日本都好衛生, 但拖鞋呢D咁私人嘅嘢都係自己嘅好D~~ 而且由冰天雪地嘅室外返入暖粒粒嘅地方有對"唔係冰凍"嘅拖鞋你話幾好呢.....heheheheeeee :P 暖包/木紋膠紙 滑雪係一個好大運動量嘅活動. 未玩時係冰天雪地嘅地方就一定凍啦, 咁一定會著定多D衫(如衛衣). 但玩玩吓就會熱, 又想除. 除咗又耍比錢放入locker.....煩! 唔想著太多衫又怕坐吊車時凍可以貼暖包. 不過我唔太喜歡用可以貼嘅暖包, 因為感覺無咁暖. 我會用木紋膠紙貼係心口/背脊. 因木紋膠紙好力D但唔會損害衣物. 大家可以試吓. 旅行Router 如果房間有LAN線, 用router放wifi. 講完.
