你可能會問為何snowboard boot都耍介紹? 乜唔係只有傳統綁帶式咩? 其實市面上有不同款式嘅固定器(binding). 而因應不同款式嘅binding產生出所需要嘅boot. 例如有傳統綁帶式固定器及扣入式固定器(step-in binding). 可參考下圖: 傳統綁帶式固定器 扣入式固定器 因為大多數boarder都係用傳統綁帶式固定器, 所以對於step-in binding我都不作特別介紹. 如果玩過snowboard嘅板友都親身感受到著傳統綁帶式雪靴時個種"痛苦". 由於鞋帶好長所以要好用力先可以綁得結實. 我初初帶D朋友去學玩snowboard見到佢哋著boot就辛苦嘞. 出盡力出晒汗先著得一隻. 再著埋第二隻已經出晒汗"熱晒身"啦...D生產商人真有market sence...除咗傳統綁鞋帶式之外, 仲出D唔同嘅boot搵你錢!!! 如以下所講嘅"捲動綁帶式"及"索繩式". 傳統綁鞋帶式雪靴 捲動綁帶式雪靴 索繩式雪靴 而著法可觀看以下短片: 傳統綁鞋帶式(Traditional Lacing) http://www.youtube.com/watch?v=QbuCotDuRLM 捲動綁帶式(Coiler Lacing) http://www.youtube.com/watch?v=72gh8uzrQyo 索繩式(Speed Zone Lacing) http://www.youtube.com/watch?v=7--MTnDF11s 大家睇過之後認為著那種snowboard boot最快呢? 一般而論, "捲動綁帶式"係最快, 最方便, 用最少氣力嘅. 不過, 如果你真係考慮買boot, 你會因為咩因素而作出決定呢? 我係討論區睇過有好多師兄師姐問點可以買到同更換索繩式雪靴嘅鋼線, 咁即係話, 此類型嘅雪靴係維修保養上面有一定嘅問題. 因為當穿著捲動綁帶式雪靴而過份收緊時鋼線好可能會折斷. 雖然鋼線可以於各大五金購買到, 但維修都好似比較麻煩和復雜 (如有類似經驗嘅師兄師姐, 敬請指教). 所以我買新boot昤選擇咗"索繩式". 咁, 如果大家睇過以上短片之後都喜歡購買傳統綁鞋帶式雪靴, 點先可以著boot時輕鬆D唔出汗呢?? 答案咪係....."先唔好著晒D雪褸呀, 冷帽呀, 衛衣呀上身咪囉"...... heheeeeee XD
