[日期] 4 January 2013 (Sunday) 七點起身洗面食早餐. 因為呢間民宿嘅房間內自己嘅無洗手間所以要去公用嘅住客無洗手, 比較煩... 日式早餐, 晨早起身食飯 =.=! 今日天氣很好仲係窗外見到羊蹄山. 不過山頂比雲層覆蓋希望晏少少可以睇晒成個山頂. 因為山頂經常比雲層覆蓋, 所以當地人話如果能見到山頂會帶來好運. 快快食過早餐後先係民宿附近幫朋友租gear先. 民宿老闆介紹咗間滑雪用品店比我哋. 嗰間滑雪用品店租gear都唔算貴, snowboard+binding+boot連租五日都係約15,000yen. 而且D gear都係有牌子例如Burton, K2...(仲好過我=.=!). 有幾個朋友已經係第二次一齊滑雪. 有咗第一次嘅經驗之後都係發覺用自己嘅snowboard boot衛生D同保護性高D. 所以去完第一次滑雪之後朋友就買咗對私家boot自用嘞. 咁唔使租boot又平D. 租完gear民宿老闆就車我咃去Hirafu Gondola Station. 先介紹一下全個二世古滑雪村先. 二世古一共有四個滑雪區; 分別係"Annupuri", "Niseko Village", "Grand HIRAFU" 同 "HANAZONO". 每個滑雪區都有自己嘅滑雪村. 而最大最出名同最熱鬧就一定係"Grand HIRAFU" - 比羅夫. 各滑雪區嘅位置可參考上圖或以下Niseko United網頁: http://www.niseko.ne.jp/index.html 而我今日嘅行程主要係喺比羅夫教朋友滑雪. 雖然係咁, 但我都係買五日全山共通卷 (5-day all mountain lift pass). 教咗佢哋一日最基本嘅動作 (即heel side 同toe side) 之後就要自己練習. 基本嘅動作練好再教轉彎. 因為新手一日都上唔到幾多次ski lift, 所以就幫朋友買"ポイント券", 即"點點券" - Point Ticket. 如坐嘅ski lift係三點, 就扣三點. 12 points 就賣3,300yen. 1 day pass 就5,900yen. http://www.niseko.ne.jp/en/lift/index.html Niseko 嘅lift ticket 係張sim card, 要比1,000yen保証金(即按金). 如果用"ポイント券"可以每點充值. 所有Gondola Station同寫住"販売所"/"卷売場"嘅地方都可以買到lift pass. 點擊圖片放大 第一日坐吊車上山前我啲朋友一定有一個指定動作 - "訓雪"!!! 始終香港無雪玩, 見到咁厚嘅雪成班癲曬. 點擊圖片放大 +2 訓完雪大家就一齊坐Gondola"上山學藝"嘞. 對於snowboard初學者嚟講有得坐Gondola當然比較好. 因為我去過嘅日本滑雪場全部都規定玩snowboard嘅人仕坐登山吊車時都要穿上snowboard, 以防止snowboard從高跌下擊傷其他人(當然單腳啦, 唔係點行去坐吊車呢). 正因為有咁嘅規定, snowboard初學者坐吊車上到山頂落車時大多會因為平衡唔到而收變咗"poor guy"... 如果坐吊車我一定會比其他friend先上吊車因為佢哋係新手, 我早D落車幫佢哋影"poor guy"相...哈哈哈哈..... 由於今日嘅行程主要係喺比羅夫教朋友滑雪, 我哋主要坐Gondola 同 Ace Quad Lift #2上山腰. 因為大多朋友都係新手, 我哋多數玩"Green Slope"滑落山. 然後坐Gondola或Ace Quad Lift #2再上山. 向Ace Quad Lift #2滑落山就會去到Hotel Niseko Alpen/食彩比羅夫/Popolo溫泉. 要提提各板友, 坐Gondola上山後最好就唔好玩"Holiday Slope"嘞. 好鬼平又窄...唔玩好過. Skier就可以. http://www.grand-hirafu.jp/winter/en/mountain/lift/gelande.html 坐完Gondola行出吊車站就見到指示牌. 點擊圖片放大 自己當日full time教朋友學玩snowboard同幫佢哋影相拍video. 自己無咩影相. 而佢哋嘅"poor guy"相唔方便post上嚟嘞...哈哈哈哈..... 坐Gondola先玩一轉再坐Ace Quad Lift #2上山. 因為朋友滑得好"安全". 由10:00am玩到成1:30pm先玩得兩轉然後先食lunch. 今日我哋喺Ace Quad Lift #2附近嘅Apres Bar午餐. 樓上(2/F)就係Popolo溫泉. (註: 地下日本人叫1/F.) 因為成1:30pm先食lunch太肚餓食完先記得影相. 選擇都多有日式同西式. 價錢都係"雪場價"!!! 800 - 1,000yen. 有拉麵, 咖哩飯...等等. 都OK好食. 個景就好靚因為望住羊蹄山...LIKE^^ 食飽再坐Ace Quad Lift #2上山就會見到好大個溫度計. 二世古最唔好嘅地方就係天氣唔穩定. 天氣話變就變. 會變得好大風雪, 有時連上山頂嘅吊車都唔開. 而二世古約三點就開始天黑...四點多D就黑曬...香港時間三點多... =.=! Popolo溫泉位於2/F. 有露天溫泉. 地下(日本人叫1/F)就係Apres Bar. 張相係坐緊Ace Quad Lift #2上山時影嘅. 大雪到呢!!! 好凍, 不過feeling 好正. Ace Quad Lift #2 下面就係Hotel Niseko Alpen/食彩比羅夫. 食彩比羅夫內有餐廳不過比例貴=P. 因為買day pass係可以由雪場開門玩到又雪場收工為止(9:30pm), 而且都係第一日體力足夠咁當然玩盡D啦!!! 我哋玩到7:00pm先走. 之後去咗Popolo浸溫泉. D snowboard 放曬係Popolo門口, 成班friend full gear行入溫泉個receiption 個都幾好笑... =P. 當時好似600yen. Popolo有露天溫泉架, 仲可以望到羊蹄山. 浸咗約一個鐘後走人去搵嘢食. 浸完溫泉特別餓. 一直由Hirafu Zaka Street(ひらふ板) 行落山見到有間叫"登山軒"嘅食堂, 望吓餐牌選擇都多又唔貴成班人就入去嘞. 比個餐牌大家望吓. 我叫咗個set有細拉麵+餃子+飯. 好似1,100yen. 朋友叫燒魚. 都幾好食. "登山軒"嘢好食, 選擇又多又唔貴一定要推介!!! 2/F係賣手信嘅地方. 食飽都成十點之後又去十字街口間便利店- "Seico Mart"掃貨後先返民宿沖涼. 由早玩到十一點先返民宿沖涼成個人"精神曬"!!! 明天再嚟過~~~Yeah!!! GOGO Snowboarding ^^
