首次體驗任務係美味棧嘅「深秋滋潤．補身．豪華套裝」(價值$460)。主要想同大家介紹下胡椒豬肚燉雞湯同花膠。 胡椒豬肚燉雞湯好足料，可以叮返熱、滾返熱或者加水連包裝煮熱佢都得，非常方便，我就連包裝煮，貪佢原汁原味。 湯包好重胡椒味，食完㷫烚烚，㷫到上個頭殼頂，想出汗咁滯，驅寒驅風一流(關唔關事)？另一樣嘅花膠，其實我係為左呢個食後報告第一次整家，我用埋佢送嘅冬菇一齊煮(順便試埋味)。除左事前功夫要浸過夜同汆水，工序大致上都唔難煮嘅😌 好在有成功煮好佢地，我覺得味道仲要唔錯喎🤣🤣🤣浸完一晚，D花膠發脹左同軟身左。 冬菇都好香，我唔應該用呢D矽膠盒黎浸，過左幾日個兜D味都仲未散😑 花膠口感同質地唔錯，愈煮愈膠，真係好骨膠原🤣 今次誤打誤撞成功左，一D都唔腥😙 由於時間關係，唔得閒再慢慢伴碟，味道緊要D😋 玩完一輪，原來都唔係咁難整，下次我會試甜食，整花膠燉奶💪🏻😃送我嘅試食包裝好大方，咁大袋可以再整多3-4次🤩🤩🤩好，重點分享完以上兩樣，我都想介紹埋佢嘅即沖即食雙皮奶同薑汁撞奶。(我推介呢個)只照要跟住佢嘅做法，輕輕鬆鬆就整到個(貌似)燉奶嘅效果出黎，試左兩隻味都唔錯，不過唔好攪太耐，咁樣佢反而“鯨”唔到。我覺得好味喎，係咪新產品？我之前未試過😬 雪友們，如果你睇晒成篇試食文，我感謝你🙏🏻 你可以喺page度同我講家🤣🤣🤣一如既往，如實報告，多謝大家😘由即日起至 11 月 13 日，於美味棧網店消費滿$400 即免運貨。詳情可以去佢哋嘅網站了解下https://www.yum.com.hk/zh-hkU Blog Facebook美味棧FB美味棧IG
