今次要介紹嘅住宿係屬於池之平滑雪場區Lime Resort Myokohttps://limeresorts.com/myoko/2251-2 Sekigawa, Myoko, Niigata 949-2112, Japan+81 255-75-5115https://goo.gl/maps/yaHhHMpKkyXvn9h28建築物設計以簡約為主，非常簡潔舒適。咁啱我去果次朋友係住最大嘅Suite Room有埋沖涼缸🤩 真係好寬躺好舒服好正🤤 不過其他房間就得廁所但冇浴室，沖涼要去指定嘅樓層，雖然有D唔方便，但男女分開唔駛怕尷尬，房間長怎樣，大家可以去官網參考下，佢有晒唔同房型嘅floor plan。有幸喺果度試佢嘅半自助晚餐，先揀主菜再有小食蔬果沙律吧，雖然種類款式唔算多，但感覺到佢嘅誠意。老實講主菜都冇咩特別，黎黎去去果幾款，所以你住長過4-5日就開始瀨野😅 但麵包相當唔錯🤣 最驚豔到我反而係佢嘅麵豉湯，其實我本身就唔好，但係第一次見到麵豉湯係一pat野比你自己溝，唔係平時果D粉，或者煲好一甖比客人自己"筆"果種... 哎呀我影漏左相呀😫 雞一般，有D鞋 牛扒肉質唔錯，不過有D過咸，同埋份量有D細，得兩舊薯格?!😬 魚，我本人覺得有D怪，同個sauce唔係好夾 個包唔錯，記得烘返熱，成件事提升晒 好味麵豉湯同沙律吧 哈哈，樣樣都"筆"少少，擺得有D衰(唔好浪費麻🤣🤣🤣) 甜品都唔錯酒店有溫泉，可惜冇浸到😭 照片由朋友提供，地方寬敞又乾淨，大家唔好錯過呀～點擊圖片放大 +2 仲有戶外池，好似唔錯咁。聯誼地方除左Check In大堂，仲有間Library Bar，可以睇書閒聊，或者飲杯野。酒店大堂有間North Face，可以睇下有咩日本特別限量版咁。LIME另一個賣點莫過於有個Kids Room，如果你帶埋小朋友黎體驗滑雪或有雪嘅冬天，呢度會係Bonus，不過只限小學生以下嘅小朋友，因為太大個會厭棄(我朋友話)。除左細路有Kid's area，大人有gym room可以流連。雖然唔係好大，但對於做開運動嘅朋友亦算係一個好地方，不過唔知滑完成日雪仲有冇力去踩單車/舉野🤔整體黎講，LIME呢間住宿好舒適好正。雖然唔係話十分大，但應有盡有，員工服務同態度都好好，有機會可以試下。租車會方便D，住宿有接送去池之平滑雪場，其他嘅就要自己想辦法，雖然話可以call taxi，但旺季嘅時候應該幾"lau膠"～位置 ★★★房間 ★★★★★餐飲 ★★★★☆溫泉 😭😭😭聯誼空間 ★★★★★兒童天地 ★★★★★FB：滑雪成魔之路 IG：雪魔女
