妙高 山里の湯宿 香風館kofukan.jp643-11 Sekigawa, Myoko, Niigata 949-2112, Japan+81 255-86-2046https://goo.gl/maps/X73xwy8oBECUim4W7雖然冇住過呢度，但有幸喺度食佢地嘅晚餐(因為頗隔涉，冇人車我真係黎唔到)。原來就算唔係住客，都可以book佢個set dinner，如果覺得唔錯，可以bookmark定呀。不過以佢嘅定價，我係有期望，因為都揀最豐富(最貴)嘅set，食左兩三次，中規中矩啦，唯一一樣驚艷到我地反而係其中一次嘅飯後甜品“杏仁雪糕”我覺得好好味好特別，口感好好，即使咁L細舊都要追加￥450，我地都一人食多舊。因為晚餐嘅緣故又包埋溫泉(都幾驚喜，因為平均浸溫泉都要￥500-￥800)。溫泉係靚嘅，設備乾淨企理，抵讚，可惜浸過兩三次D水都係凍🥶其實浸溫泉D水要夠熱，可能第一下落去你覺有D熱，但其實愈浸愈適應，所以D水唔夠熱，你只會愈浸愈凍(野沢果D就另計啦)。所以如果要我比錢去浸溫泉，我一定唔會揀呢間。位置近妙高車站，即係唔近雪場啦。我見佢門口有Van仔，唔知包唔包雪場接送，不過住得呢間十居其九都有租車，如果唔係都幾唔方便。聯誼空間都有嘅，可以坐到幾個人咁啦，仲有間細細地精品店可以買酒、買米、買乾糧手信等等，呢個加分 。位置 ★★☆房間 🤷🏼♀️餐飲 ★★★★溫泉 ★★★聯誼空間 ★★★☆ 門口有位置比住客/食客泊車，點解咁都要講？因為有D地方無提供停車場，大家要注意問清楚!點擊圖片放大 睇落係咪好豐盛呢，不過其實好快就食完一碟，另一碟，再下一碟... 另一個set 又見到果幾片牛肉嘅🤔 就係呢個雪糕🍰驚艷到我地，食完又食，非常完滿。
