終於出到文介紹 #斑尾高原 同 #斑尾東急 啦 首先講吓個地理位置先，兩個雪場同位於斑尾山一左一右，而整個斑尾山跨越長野縣同新潟縣，所以去斑尾滑雪有個必到影相打卡位，遲D帶你地去。 其實斑尾都唔係咁唔方便啫，唔係好遠家咋，都幾近吖... 咁樣講多幾次陶醉自己先至覺得佢其實又近又方便。佢同可愛既野沢一樣都係喺JR飯山站轉巴士之麻，有幾遠啫，好方便呀 (好啦講夠啦，唔好走住，入正題啦) 10月果次由JR飯山站揸車去斑尾高原約25分鐘左右，由斑尾高原去到斑尾東急就多15分鐘，其實真係唔係好遠家咋，幾方便～ 斑尾高原 官網 http://www.madarao.jp/ski (日文版) http://www.madarao.jp/en (英文版) 斑尾東急 官網 https://www.tangram.jp (日文版) https://www.tangram.jp/eng/ (英文版) 因為中文版都係少D資料，所以盡可能參考返日版或英文版 斑尾高原 Ski in Ski out酒店 Madarao Kogen Hotel http://www.madarao.jp/hotel/english/ 或另一間隸於同集團既Monaile Madarao 近chair lift 但唔係Ski in Ski out http://www.madarao.jp/hotel/monaile/english/ 斑尾東急 Ski in Ski out酒店 https://www.tangram.jp/eng/ 其他住宿 請自行到以下網站參考 日文版 http://madarao.tv/accommodation/list.php 英文版 http://madarao.tv/en/accommodations/ 地圖版 http://madarao.tv/common/docs/download/map_madarao2018.pdf 難得黎到斑尾，住我地度當然最好啦，夠近(我地)又親切。不過又大又新既靚房供應有限得11間咋。旺季日子都Book得7788。有見及此我就喺旅館附近行下睇下有咩新發現，結果發現附近其實有唔少住宿，不過冇好似斑尾高原果邊咁list晒出個map度，或者今季反映下整返個方便人地睇麻。 Hotel Bauhinia https://www.hotelbauhinia.jp 如果入住我地旅館，亦可提供免費JR飯山站接送(敬請預約及視乎當日行程而定)。 附近有D住宿連Jalan、樂天都唔見有，問你死未。咁點樣先搵到佢地出黎呢？ 就係用Google map放大遂間click入去睇下有咩聯絡方法囉。(我有實地考察同影相，但都於事無補) 為左方便大家，我list幾間出黎比大家參考下，不過係以我地旅館旁為主： Barton Hotel http://www.bartonhotel.co.jp 中型酒店，又有溫泉浸，都算係Ski in out呀，呢間唔錯。 小さなホテル 風小僧 http://www7.plala.or.jp/kazekozou0084/ 睇個外觀都幾型幾四正。 ログコテージ キーストン http://i-keystone.com 呢間有入過去，有幾間大細不一既cottage。可以係一大班人或兩個人入住。其中一間屋仔有兩間房，擺左3張同4張碌架床可以容納到6同8人即係共14人，真係有D誇張，如果係6-8人一間會舒服D，因為都係得一個廁所，點輪先輪到沖涼呀。 ホテルクレセント Hotel Crescent http://cres-ent.sakura.ne.jp マウンテンリゾート Maru-ganta http://marganta.ciao.jp/main/ 森のログホテル カムループス +81 26-258-3737 呢間真係得電話比人book房咋 好多人都問斑尾究竟有咩食？無可否認，餐廳比較散，唔似得野沢咁集中，用腳就行到。或者黎緊呢季可以好似上季咁整個 #斑尾食事 同大家介紹會下呢度既飲飲食食。 食事 http://madarao.tv/en/dining/ 溫泉 http://madarao.tv/hotspring/ 到12月2X打後，斑尾有巴士連貫野沢同妙高，既然咁方便，除左斑尾，妙高同野沢我地都會去教，有需要可以聯絡我(地)呀。 http://www.no-to-ma-bus.com https://www.mkk-tour.com/myokoshuttlebus/localshuttle/ 亦有機場巴士直接去斑尾雪場，其實斑尾都算方便啦。 (請自行參考日期及時間表) http://www.naganosnowshuttle.com 好 講住咁多先～ #斑尾住宿 #HotelBauhinia #野沢滑雪教學 #妙高滑雪教學 #HalfCabJapan
