二世古既住宿確實比其他日本雪場選擇多,豐儉由人由貴到平既Hotel, Apartment, Chalet, Airbnb, Hostel或Backpacker等等(不過宜家都冇咩平野lu) 比較大路、較貴、較高檔次既選擇,大家可以從Agoda,Booking.com或由當地管理既Property Management, 如Nisade, Ski Japan, Vacation Niseko, Niseko Izumikyo等等度搵到,睇下邊種類型既住宿適合自己單拖、幾個雪腳或一大班雪友… 以上既資料唔難搵,所以今次想介紹一D比較Budget,唔介意房間冇廁所,沖涼房同洗手間要share既住宿。 個人評語只供參考,並請自行查詢最updated價錢。 Hirafu區: Owashi Lodge 上上季佢有個好相宜既deal,由一個月、兩星期或一星期都有,一個月最平二人JPY65,000/房,一人獨霸間房都係JPY45,000,所以勁多雪友季尾stay喺度。 咁啱我間房有洗手盆,洗面刷牙都唔駛行出行入,方便好多,真係抵到喊。不過啱啱果季問過價就得返起碼住一個月先有平deal,仲要加晒價驚死有人住咁,二人或一人住一間房都係JPY8,400/晚,貴晒啦>_< Lodge Kanon 之前有兩間,一間平D喺upper hirafu, 另一間貴少少喺lower hirafu, 不過今季好似得返lower hirafu果間,但價錢好似調低左? ¥4000起(要住夠40晚或以上),之前upper hirafu果間都好多人long stay,喺Hirafu出名平,但設備一般。 然後仲有其他價格比較相宜既Absolute Niseko, Potato Lodge, Popcorn Higashiyama(Niseko): 同一條路向Green Leaf方向行,由近至遠少少既Black Diamond Lodge, Freeride Lodge, Hooting Owl Lodge 我見D鬼佬都係著住同拎住D ski行,Black Diamond我都仲可以接受,其他兩間我就唔想行,不過都係10分鐘腳程(google map話) 其實我最想介紹既係Annupuri區,雖然呢度係遠少少又冇咁熱鬧,但其實住3-5晚,即使唔去Hirafu或Kutchan,呢度附近既餐廳都夠你揀,又或宿有D民宿提供埋早晚餐。 Annupuri Guest House 類似YHA咁,幾四正,不過之前我話想長租一個月佢話冇,最多好似一個星期定10日,好搞笑,有生意都唔做。 Annupuri Lodge 呢間係同餐廳Luckyfingers同一幢,餐廳好味,樓上住宿算唔錯,雖然都係冇廁所,但房間算闊寬。 Auberge De Fryingpan 呢間都係樓下係餐廳,樓上係住宿。 Niseko Side6 有單人、雙人同4-6人既碌架床房。房間喺上層,下面有廚房浴屋。一個月JPY60,000真係抵到爛(網站話JPY50,000因為未更新,所以最好send email問老闆),不過平係有原因同代價既。 佢除左沖涼房之外,所以出水既水喉頭都係凍水,你想像下煮完野食要用冰水洗砂煲罌罉同晨早用冰水洗面刷牙都幾透心涼。仲有,我果陣住都唔算旺季,所以都唔係好多人住,如果full起上黎二三十人,但得一個沖涼房,想沖唔知要等幾耐你都咪話唔崩潰。 Country Inn Milky House 知道附近有呢間,有雪友住話OK,不過不失。 除左住宿,我之前都有分享過二世古既餐廳飲食,喺度一次過整理好等大家方便睇。又或者利用搜尋打 “二世古飲食篇” “二世古” “飲飲食食” 相關既文章都應該搵到。 有D餐廳可能執左、水準上升或下降左,歡迎大家更新同分享。 新加入:話說有間叫“神樂KAGRA”位於Niseko區,7-11對面,前身係Soga,試過都唔錯,¥3500左右。餐廳夠大亦有足夠停車位,有揸車既朋友可以試下。 <<Hirafu>> https://www.facebook.com/snowmonu/posts/1373462399428448 <<往Kutchan的路上>> https://www.facebook.com/snowmonu/posts/1388278564613498 <<Kutchan>> https://www.facebook.com/snowmonu/posts/1399537716820916 <<Annupuri>> https://www.facebook.com/snowmonu/posts/1407496732691681 #二世古飲食篇 #二世古 #飲飲食食