去日本滑雪，繼知名度最高既二世古，其次到白馬、野沢、斑尾都好多(外國)人熟悉。今次等我介紹下野沢既住宿，其實冇想像中咁難搵。 其實野沢有唔少住宿，地圖上既黑點就係，基本上行過每一條街有屋既多數同時亦係民宿，簡直滿佈每個角落。只不過唔少係上左年紀既當地居民經營，所以唔識日文book唔到，唔識日文溝通唔到，喺Agoda, Booking.com訂唔到，咁點算呀??? 野沢近年開左間觀光案內所(地圖D6)，如果你walk in去問，往往有出乎意料既收穫，我都有試過喺果度幫人問住宿，不過我地當然唔會咁冒險啦，唔緊要，以下既分享同介紹應該幫到大家： 呢個係野沢觀光局官網既住宿資料，係最多選擇 http://nozawakanko.jp/db/searchResult3.php 呢個係野沢雪場官網既住宿網 http://db-nozawa.com/hotel/ 一般日本住宿網站，我個人鐘意呢個多樂天 https://www.jalan.net Nozawa Holidays係比鬼佬睇，介紹好多野沢事物，住宿有比較經濟既Lodge到貴價既Apartment，我相信一大班人要book Apartment得呢度幫到你 https://www.nozawaholidays.com/properties/ 住宿介紹： 1-5★ 係我覺得靚唔靚同值唔值，多星唔一定係豪華貴野，亦可以係經濟實惠。 價錢比較浮動，如果知道官網會順手post埋，唔係既話，請自行上網查詢，咁我就由奢華級數開始排落去，地圖坐標參照如下: http://www.nozawaski.com/winter/pdf/townmap2016_J.pdf (日版) http://www.nozawaski.com/en/pdf/townmap2017_E.pdf (呢個英文版本既色比較難睇) 野沢グランドホテル Nozawa Grand Hotel ★★★★★ 參考地圖C2 相對於一般住宿，呢度既房間夠晒寬敞，有廁所沖涼房，又有室內同高層室外溫泉，雖然露天風呂景觀仍屬一般，但去過野沢住既都知道，拎呢度同北海道比較實屬不智。喺野沢要住高級D，呢間係唔錯既選擇，當然價錢都有返咁上下。 其實位置本身唔算太遠，但當你又板袋又拖喼，個距離會x10，呢度去真湯chair lift會近D方便D。 http://www.nozawagrand.com/sp/index.html アドレス野沢 Nozawa Address ★★★★★ 參考地圖E5 呢間住宿都好正，有廚房，有廚具煮飯炒菜，杯杯碟碟。早餐就係西式野擺好晒喺雪櫃度，有麵包果醬橙汁蘋果等，野沢既蘋果好出名，又爽又甜，好味 呢度又有洗衣乾衣機，仲有兒童遊玩區，地方細細間到咁多野真係犀利，價格亦唔算太貴。 佢都有公眾浴池(溫泉)算企理，不過擺衫籃同沖涼位得三個，人多就會迫同混亂。 http://www.nozawahospitality.jp/address_nozawa/ 野沢温泉ホテル ★★★★ 參考地圖G5 據雪友講房間應該係新裝修好靚，可惜冇翻新埋個廁所所以落差好大，極為不滿。膳食不錯，亦係貴價住宿。 池元 ★★★★ 參考地圖D6 喺正巴士總站隔離，位置非常好，即使你就唔啱時間搭shuttle bus去雪場，行去扶手電梯時間亦可接受(7-10mins)。 老闆娘以有限度英文同你溝通算好好家啦，房間有廁所但冇浴室，公眾浴場亦唔錯不過唔算大，亦有好多浮游物唔知大家習唔習慣。 http://nozawa-ikemoto.com げんたろう屋 Gentaroya ★★★★ 參考地圖E5 房間有廁所，咁啱我去參觀果間洗手盆唔喺廁所附近喺另一邊有D奇怪。間房話係三人房，兩人我已覺得啱啱好，唔知點迫三人入去。 佢個浴池都算大，有兩個池，夠晒熱，唔錯。 http://gentarouya.com/restaurant.html モリ ★★★★ 參考地圖D7 一個唔用日文溝通唔到既傳統民宿。每日都有小食/糖果，雖然唔係D咩貴價野，但會覺得好窩心。雖然房間冇廁所浴室，刷牙洗面都要行出去，但尚算寬闊，價錢經濟實惠，唔錯唔錯。 不過沖涼時間有D混亂同埋D水唔夠熱，比個心理準備大家先。出去Onsen啦，好近家咋。 河一屋旅館 ★★★✫ 參考地圖D3 有好多台灣網友介紹評價不俗，所以有好多台灣人住呢度，我只探訪過佢既溫泉同食過晚飯，感覺不錯，係有少少舊不過實屬正常。 かわもとや ★★★✫ 參考地圖C3 房間算大唔錯，有自己廁所，相比下有D遠。 原來呢間野同Nozawa Address、嶋田屋係同集團，上次喺嶋田屋臨時問除夕晚住宿，嶋田屋full晒但呢間仲有位但唔平。 http://www.nozawahospitality.jp/kawamotoya/hotel_info.html 野沢ビューホテル嶋田屋 ★★★ 參考地圖C2 呢季好多雪友都住過呢度，我去參觀果間咁啱係榻榻米房仲要個電視好似得20"芒都唔知有冇。所以印象好一般，而且佢收費亦唔算平，不過勝在多房，如果驚冇房唔知住邊可以試下呢間。 http://www.nozawahospitality.jp/view_shimataya/index.html リゾートペンション カスミ ★★★ 參考地圖C5 傳統民宿，房間唔大，有和式同洋室，冇電梯拎行李板袋上到3樓簡直攞我命。個公共澡堂真係好細得一兩個位，出去浸仲好。 個嬸嬸明知我唔識日文都仲繼續用日文同我講野，搞到我鬼死咁唔好意思。 三十苅荘 ★★★ 參考地圖D3 房間都OK，但唔記得入面有冇廁所，位置唔錯。 ロッヂ ウエノスキー ★★★ 參考地圖F5 一間傳統民宿，廁所沖涼房公用，比較簡陋，切勿有期望，價錢相宜。 朝日屋旅館 ★★✫ 參考地圖D4 好多台灣旅行團住，外觀同房間都幾殘又唔係平，但位置一流，喺正中間。 ファミリーハウス銀嶺 參考地圖E7 唔知點解次次問親都有房，但最終都冇住過，如果peak season冇房冇選擇既可以諗下。 有雪友問野沢既Ski in Ski out酒店，酒店就真係冇，極其量叫做住宿。雖然野沢雪場分3個部分，但Ski in out我比較推薦長坂果邊，除非你一泊二食又唔諗住行下個town或唔介意有距離，柄沢都可以考慮，唔係既話要行去town就頗遠，想像喺風雪中行15-20分鐘都幾辛苦，日影就冇Ski in out，真湯對上其實都有好多Ski in out既住宿，地圖H3果帶如Schneider, Kashimir, Denbey等，不過大部分都係一泊兩食，因為真湯4-5pm就停止運作，我都唔知佢地點落town同邊條路落黎?! 食處河廣 ★★★ 參考地圖H7 除左呢間係對正長坂Gondola既Ski in out住宿都冇咩選擇，設施唔係特別好，餐廳野食亦難食左，大家可以喺google map度搵下附近或後一條街既住宿。 http://www.kawahiro.info/index.html 除此之外，以下咁多間入面都有公眾浴池，有一泊兩食。野沢比較少有私人風呂，雖然大家未必習慣去住宿既公眾浴場什至野沢13個免費溫泉，但佢地既溫泉係有質素既，唔好怕羞，記得試下，熱辣辣正呀喂~~~ 旅館さかや F4 中島屋旅館 C3 常盤屋旅館 F4 呢間都出名，唔平 湯宿 寿命延 F4 城中貴野之一，佢間餐廳仲巴弊，book黎book去都試唔到，激死我! 桐屋旅館 F2 呢間都唔錯 千歲館 F4 靚同貴野黎 住吉屋 F2 ますや旅館 E5 奈良屋旅館 E3 呢間都唔錯 桃源の湯 さかきや D4 ホテル ハウス サンアントン E5 岩戶屋旅館 F4 末広屋旅館 E4 山田屋旅館 E3 旅館 清風館 F3 やすらぎの宿 白樺 C4 中むら屋旅館 E3 住宿分享完~ #野沢溫泉 #野沢住宿 想更快知道更多滑雪資訊，歡迎瀏覽FB Page: https://www.facebook.com/snowmonu Instagram: Snowmonu
