其實唔係間間Ski School都有Family Lesson，咁啱Niseko Village有，又等我有多個不同體驗。其實此課堂純粹為親子活動多於各成員真正學到D咩，當然比得錢上堂一定有野學到，但如果父母係想自己或子女學得多D快D，建議分開上堂效果會更為顯著。 首先，大人同小朋友既吸收能力、領悟力、表達能力、體力都唔同，大人要聽明左先去做，細路哥唔需要，你講多句佢仲唔明多D，佢只係想盡快滑盡快玩... (例子)曾經上過3個小朋友既堂(男仔，約5-9歲)，叫左10次佢地要等埋一齊先開始，永遠有個快手少少既就會問“can I go now?”x 20次-_- 佢地唔會想聽你叫佢點點點，佢只要玩得開心。 另外，有D小朋友見到父母喺度會變得怕羞會依賴父母，咁樣，教練同學生之間就好難建立一種互動同信任既關係。即使係上咩堂都好，父母都應該比子女獨立上堂。(例子)曾經有一個(台灣)媽咪，果兩個鐘既private lesson一直從旁協助上課，我明知道咁樣對教學係冇幫助，但亞媽唔放心我都冇辦法，結果個女仔(約8-10歲)唔係學唔到野，只不過進度的而且確係慢，因為佢係咁 “媽咪媽咪...” 雖然比錢上堂係佢地，但我認真覺得嘥緊大家時間。 你比錢Ski School話要上Family Lesson，佢地當然唔會拒絕你，亦唔會用時間慢慢同你解釋。但如果有教練好心同你講，請唔好以為佢地係想分開教，賺你多D錢，呢個係效率同效果既問題，如果比左錢，點知大人細路都學唔好學唔到既話，都係一樣。但如果真係要一家大細上堂有共同回憶，Ski應該會比SB適合。
