Two Stick ★★✫ 好一般既星馬泰餐廳，有兩層。樓上雅坐，樓下有酒吧，仲有架Gondola可以比你坐入去影相。(~¥1800) Yang Shu Ten ★★★ 同事話Lunch唔貴，所以夜晚黎試下點知賴晒野貴到抽筋！最平既Dinner Set成¥8000我真係暈左。唔係唔好味，但咁Q貴，又唔係10個好味，所以唔會推介黎呢度。(實在貴，所以貼多幾張相) 如果錢唔係問題都可以一試既，但果晚既音樂同個場好唔襯，好奇怪。點擊圖片放大 +2 The Crab Shack ★★★ 未開季Staff Dinner黎食過一次覺得一般，但食完Crab Dining Kanon真係底處未算低，即刻覺得呢間算唔錯，但應該唔平。(~¥6000?)點擊圖片放大 Village Patisserie ★★★ Lunch Set唔貴，咁啱滑到黎Niseko Village可以順便食個雪糕。(~¥1000) Melt ★★✫ 嘩，呢間野真係… 唔知幾時執? 食過兩次都唔駛錢(因為Staff)都不是太滿足，如果比錢食埋D咁既質素既自助餐，我唸我會好唔開心，仲要話係Hilton入面既餐廳。 Sisam ★★★✫ Lunch唔算貴，野食唔錯，對比其他Hilton餐廳黎講。(~¥2500) Ezo ★ 呢間Bar D野飲超貴，唔好黎。(~¥1000) The Lookout Cafe ✫✫ 未食過但入過去見到Menu都嚇死人。個Cafe你識滑雪先好去，因為曾經有客唔識滑雪但問點去，去唔到家，因為同Gondola有段距離，一定要滑過去同滑走，行唔到家。 其實有唔少客人黎Hilton住過好幾季同我講D野愈來愈難食我都唔知比咩反應好... 唔係倒米，呢個Village真係唔多掂，就算Green Leaf果邊間餐廳(唯一一間，中午晚三餐都係佢)都唔係好味，唉，好心比少少heart啦~ 所以我通常都叫D客出去食，咪鬼幫襯佢(地)!
