其實我都係第一次去二世古,講到認知程度好多人都知得多過我,但作為Niseko Village Snow School既唯一香港代表,而好多朋友仔第一次學滑雪就黎到二世古,咁唯有獻醜下啦,講得唔好都唔會被發現,哈哈... 亦歡迎大家補充或分享。 二世古(Niseko)呢個聞名全世界既雪粉(Powder Snow)滑雪場地,四個雪場同屬一座山叫Mt Niseko Annupuri,搭纜車上到山頂係可以互通,但滑到落山腳就分開左做四個雪場收費,從左到右叫: Niseko Annupuri, Niseko Village, Niseko Grand Hirafu同Niseko Hanazono。我未喺上面滑過,唔知要幾耐先滑到去另一方個場又再返去原來個場,但在於鎮上黎講,四個場係有距離家。冬天會有shuttle bus行駛各雪場,但如果想喺同一日每個場都試下滑下既話,會建議買all mountain pass,唔好慳少少再搭shuttle bus返去原本個雪場,因為太浪費時間啦... 四個雪場,最大同以生活機能黎講,最熱鬧同最方便係Grand Hirafu,亦因為咁住宿比較貴同好快full(唔好問我有咩介紹因為我住員工宿舍老連咁遠-_-)。 雖然我喺Niseko Village返工,但住宿距離NV差唔多10分鐘車程,而NV同Hirafun又距離10分鐘,所以我真係用唔到雙腳行出去探索下,又因為呢排天氣極唔穩定經常落雨,放假都冇心情出去行下... 比個網址大家參考下先,等我再慢慢介紹落去... http://www.niseko.ne.jp/en/weather/index.html