相信各位都為黎緊既雪季磨拳擦掌，唸緊去邊，買咩裝備好。亦有好多新朋友想加入呢個一係唔玩，一玩就上癮既滑雪大家庭，但又唔知去邊樹學好，咁等我分析分享下... 你問我我當然話去真雪場學最好啦，韓國日本定返祖國？我會揀日本，但我知道韓國都好熱門下，因為比較平? 我10年前去過一次玩ski，但印象不太好，好彩喺澳洲雪山返工，周圍既人都玩snowboard，所以柴娃娃一齊自學(左一季)... 喺澳洲遇到既外國人10個11個都叫我去日本，所以就日本啦~ 不過點講都好，要睇你好唔好彩既，如果咁啱果排冇雪落就慘，咩場都假，好雪邊度都好玩，冇雪邊度都唔好玩-_- 世界之窗? 最近香港既室內假雪室，D雪舖得薄如蟬翼，下面果層硬到屎，如果當初我係喺果度學，我未必有興趣有恆心繼續玩落去，真心覺得去世窗學/玩既朋友仔好犀利，有D好勤力成日上去練野既，都好有熱誠好有毅力，加油但要小心啊! 我早幾日上去，第一轉就撻低兩次?!!!! 一，因為又冰又跣。二，係因為自己冇收掣當佢係真雪，但實情係技巧唔夠囉陰公-_- 結果我只能玩該死的Box又跌到屎忽開花... 不過當然啦，世窗咁難玩你都克服，去邊度既Beginner Area都冇問題家啦。 世窗呢個場真係不得了，如果咩都冇兩手fingfing唸住自己上去咁就真係(博一博囉)... 板同binding又殘又壞；鞋同衫、褲又溶溶爛爛，酸酸縮縮，救命呀點用呀?! 我都唔知世窗點做生意，硬件衰到咁仲生存到?!?! 滑雪場上面有間舖頭既，如果你同佢地報，或者會有板借比你學，我唔肯定，自己問下佢包咩比你。 學滑雪機? 香港有兩間。本人冇接觸過，只係知道好貴同就算本身滑開雪既教練都要用一段時間先習慣到... 但仍然有唔少人去上堂，我唸以方便程度點都好過去世窗瓜?!?! 基本技巧我唸都學到既，不過去到雪場又另一回事... 但我知道香港人好講求效率既，當然想一去到雪場就滑，唔想嘥時間去到先學，呢點我明既。但相信我，真係唔同家... 雪場咁大咁高，幾時先上到頂頂，又睇風景又滑雪呢？
