登登登登，終於有野出啦，哈哈哈哈 野沢温泉飲食篇(區內) 新屋 ★★★★★ (C2) 第一次食係外賣雞扒飯，好味。之後去食饅魚飯都唔錯，但比較貴。1點半收工，唔知有冇下場，要去趁早。 みなと★★★★★ (F3) Hotpot同牛肉都好味，去過兩次。 はと車 ★★★★ (E3) もつ煮好味。 治作 ★★★★ (D3) 唔錯，但もつ煮既腸好散，純粹個人喜好。 通草亭 ★★★ (C3) 大阪燒，唔係唔好味，不過喺野沢食大阪燒有D怪。 茶ろん de Duex ★ (F4) 係客人介紹話好味所以好有期望咁黎試下，點知個hotpot份量勁少料又少，我唔會介紹人黎呢度食，Black List左。 喰庵 ★ (E/F4) 唔係好啱我口胃。我有朋友話呢度又貴又食唔飽人，係呀，因為呢度冇飯冇麵，黎係飲吓酒食小食既地方。 東洋ラーメン ★★ (F4) 餃子、拉麵一般。 居酒屋つくしんば ★★★ (F4) 馬刺、魚生唔錯，大烤魚比較好味，其他一般。 そば処 大茂ん ★★★ (E5) 麵唔錯。 王龍飯店 ★★ (E5) 一入去就看到兩個鬼仔做侍應，唔係歧視，不過好明顯係做鬼佬生意。拉麵舖，食過都係覺得一般。 若ぎ里 ★★★ (E6) 佢賣廣告係魚生飯，但覺得喺度食魚生怪怪地，又貴，所以點左其他野，唔難食又唔係特別好味。 四十雀 ★★★★★ (E5) 呢間野只係開夜晚，仲好似夜夜地唔太記得。好味，有機會要試。 フキヤ ★★★ (E5) 間野係賣紀念品，但門口賣奶油香蕉卷，唔錯，可以一試。 St. Anton Jam Factory ★★ (E5) 店入面賣咖啡賣自家製果醬我冇試過，門口賣包類似我地既叉燒包但換左D餡，全部味試過晒，但都係好一般。 黃金屋物產業 ★★★★ (F3) 野沢唔大D野又集中，有幾家賣手信打對面，但呢間有得試食，買野又比折我，咁我幫佢宣傳下啦(我唔識佢家，冇利益輸送家-_-) 地圖參照如下: http://www.nozawaski.com/winter/pdf/townguidemap-j.pdf 如果你喺觀光案內所拎既地圖，一面日文一面英文，但有好多餐廳都消失左(同上面條link比較)，而喺雪場拎既地圖就分開英文同日文，一面雪場一面town guide。 野沢既餐廳一般只做夜晚，可能估計客人都去晒滑雪啦，所以晏晝選擇比較少。由於旺季遊客激增，所以好多餐廳都唔做walk in客，要你訂左先，好巴閉家。仲有，寧願唔做你生意都唔比你搭枱。不過如果你等到7點半過後就可以唔駛訂既，等之前批客走左，但會好肚餓囉.... 分享完畢。
