為左分享野沢呢個提供13個免費溫泉既福地，我盡晒力去左12個作實地視察家啦，意見感受只供參考，因為同一個池，浸兩三次效果都有少少唔同，同一樣既事物，每個人既觀感與角度都唔同... 分享係想大家可以多認識野沢，但唔希望佢比人踩爛左，所以千祈唔好喺個池度尿尿呀大佬，大陸人你地唔好咁做呀!!! 希望過幾年返野沢，仍然能夠保留到原有既風貌。 浸溫泉注意事項： 其實都係講緊有冇公德心同同理心，例如唔好企喺度洗，因為會fai到人、唔好喺個池度洗白白(但可以刷牙?!)、唔好喧嘩影響到其他人等等... 步驟： 經過我一段時間既觀察同問過日本人證實過家吓。 先用好Q熱既水淋落自己度，淋到個身適應到D水溫，但我通常都搞好耐，因為怕整污糟人地個池，但原來都冇關係，個池其實都唔係好乾淨，哈哈~ 只要你唔係除晒衫即刻跳入去的話冇人會啤你既。 嘩，D水咁熱點落去呀？原來出溫泉水位旁邊有個凍水喉，可以開黎加凍水溝溝佢，唔係第一次去浸有個亞姨同我地講都唔知道。不過有D亞姐亞嬸就唔多鐘意你溝暖佢D水，冇錯，佢地好享受D水滾到烚熟層皮先安樂。不過後來我都慣左，冇加水直接浸，超爽！ 好啦落水啦，浸大概10分鐘左右，發下“牛”豆(有冇人知點寫)，舒緩下，真係好舒服好正... 之後先上返水沖涼。 13個免費溫泉，咩設備都冇家，要自己帶洗頭水淋浴夜洗面膏同毛巾，有人會帶埋牙膏牙刷黎刷牙添?!?! D水都係喺個池都“筆”返上黎，係咪好得人驚呢？當初都好唔慣，尤其浸完冇得用生水沖一沖個身，好似好唔乾淨唔係咁舒服。 最初上水都有係咁宜筆下D水黎沖身，因為池中有好多有顏色既浮游生物，不過後來明白到，無論你點筆，咪又係果D水，所以最後係上水就直接抹身啦...
